'రానా నాయుడు' పై వర్మ ట్వీట్, 'సారీ' చెప్పిన రానా
సారాంశం
ఈ సిరీస్ ఇండియా వైడ్ టాప్ 10 లిస్ట్ లో నెంబర్ 1 స్థానంలో నిలిచింది. దీనితో ఈ మూమెంట్ ని అయితే హీరో రానా దగ్గుబాటి షేర్ చేసుకున్నాడు. మరి ఈ రెస్పాన్స్ ఇచ్చినందుకు థాంక్స్ చెప్తూ ఎవరికైతే నచ్చలేదో వారికి తన క్షమాపణలు కూడా రానా తెలిపాడు.
వెంకటేశ్ (Venkatesh), రానా (Rana) కీ రోల్స్ లో తెరకెక్కిన సరికొత్త వెబ్ సిరీస్ ‘రానా నాయుడు’ (Rana Naidu). సుప్రన్ వర్మ, కరణ్ అన్షుమన్ దర్శకత్వం వహించిన ఈ సిరీస్ నెట్ఫ్లిక్స్ వేదికగాల స్ట్రీమింగ్ అవుతోంది. మార్చి 10న విడుదలైన ఈ సీరిస్ రెండు రోజుల్లోనే నెట్ఫ్లిక్స్ టాప్ ట్రెండింగ్ లిస్ట్లోకి చేరింది. ఇదే విషయాన్ని సదరు ఓటీటీ ప్లాట్ఫామ్ తెలియజేసింది. భారత్ టాప్ ట్రెండింగ్ షోల్లో ‘రానా నాయుడు’ ప్రథమ స్థానంలో ఉన్నట్లు వెల్లడించింది. ఈ విషయాన్ని రామ్ గోపాల్ వర్మ ట్వీట్ చేస్తూ షేర్ చేసారు. వెంకటేష్,రానాలకు కంగ్రాట్స్ చెప్పారు. రామానాయుడుగారి కీర్తి పతాకాన్ని కొడుకు, మనవడు కలిసి ఎగరవేస్తున్నారని, అభినందనలు తెలియచేసారు.
ఇదిలా ఉంటేఈ సిరీస్లో శ్రుతిమించిన శృంగార సన్నివేశాలు, అసభ్య పదజాలం ఉందని పలువురు నెటిజన్ల నుంచి విమర్శలు వ్యక్తమయ్యాయి. మంచి ఇమేజ్ని పక్కన పెట్టి వెంకీ, రానా ఇలాంటి సిరీస్లో నటించడాన్ని వాళ్లు తప్పుబట్టారు. రానా- వెంకీ నుంచి ఇలాంటిది ఊహించలేదని.. కుటుంబంతో కలిసి దీన్ని చూడలేకపోతున్నామని.. ట్వీట్స్ పెట్టారు. ఈ క్రమంలో రానా (Rana) వాళ్లందరికీ సారీ చెప్పారు. అలాగే, ఈ సిరీస్ను కుటుంబంతో కాకుండా ప్రతి ఒక్కరూ ఒంటరిగా చూడాలని మరోసారి స్పష్టం చేశారు.
‘రానా నాయుడు’ వెబ్ సిరీస్ ప్రీమియర్ రోజున వెంకటేష్ మాట్లాడుతూ తన కెరీర్లో ఇప్పటిదాకా చేయని ఓ భిన్నమైన ప్రయత్నమిదని, దీంట్లో హింస, శృంగార సన్నివేశాలు ఉంటాయని చెబుతూ…సారీ చెప్పాడు. తాజాగా రానా సోషల్ మీడియా ద్వారా క్షమాపణలు కోరారు. కుటుంబంతో కలిసి ఈ వెబ్ సిరీస్ చూడొద్దని కోరారు. అమెరికన్ టీవీ క్రైమ్ డ్రామా సిరీస్ ‘రే డోనోవన్’ రీమేక్గా ఈ వెబ్ సిరీస్ను తెరకెక్కించారు. రానా సెలబ్రిటీ ఫిక్సర్గా, వెంకటేష్ నేరస్తుడి పాత్రల్లో నటించారు.
మూడు దశాబ్దాలుగా క్లీన్ ఫ్యామిలీ ఇమేజ్ మీద కెరీర్ ని లాగిస్తున్న వెంకటేష్ ట్రెండ్ కోసం ఈ సీరిస్ చేసారో లేక వేరొక కారణమో . ఆయన ఓ వెబ్ సిరీస్ చేశారు. 'రానా నాయుడు'లో వెంకటేష్ తెలుగు ఆడియన్స్ కు షాకింగ్ గానే ఉంది.