ఫ్యాన్స్ కు గుడ్ న్యూస్.. ‘రావణసుర’ షూటింగ్ పూర్తి.. మొదలు కాబోతున్న మాస్ జాతర.!
By Asianet News | First Published Feb 26, 2023, 1:02 PM ISTటాలీవుడ్ సీనియర్ నటుడు, మాస్ మహారాజా నటిస్తున్న లేటెస్ట్ ఫిల్మ్ ‘రావణసుర’ నుంచి అదిరిపోయే అప్డేట్ అందింది. ఇన్నాళ్లు శరవేగంగా జరుపుకుంటున్న ఈ చిత్ర షూటింగ్ తాజాగా పూర్తైంది.
మాస్ మహారాజ రవితేజ (Raviteja) బ్యాక్ టు బ్యాక్ సినిమాలతో ఫ్యాన్స్ ను, ప్రేక్షకులను ఫుల్ ఖుషీ చేస్తున్నారు. లేటెస్ట్ గా యాక్షన్ థ్రిల్లర్ ఫిల్మ్ ‘రావణసుర’తో ప్రేక్షకుల ముందుకు వచ్చేందుకు సిద్ధం అవుతున్నారు. మాస్ మహారాజా రవితేజ - క్రియేటివ్ డైరెక్టర్ సుధీర్ వర్మ కాంబినేషన్‌లో తెరకెక్కుతున్న ఈ చిత్రానికి అభిషేక్ పిక్చర్స్ మరియు RT టీమ్‌వర్క్స్ సంస్థలు సంయుక్తంగా నిర్మిస్తున్నాయి. అయితే ఈ చిత్ర షూటింగ్ ఈరోజుతో పూర్తి కానుంది. ప్రస్తుతం అన్నపూర్ణ స్టూడియోస్‌లో రవితేజ, హీరోహీరోయిన్లపై వేసిన భారీ సెట్‌లో శేఖర్ మాస్టర్ పర్యవేక్షణలో ఓ పాటను చిత్రీకరిస్తున్నారు. సుధీర్ వర్మ పర్ఫెక్ట్ ప్లానింగ్ వల్ల షూటింగ్ పార్ట్ అనుకున్న సమయానికి పూర్తయ్యేలా చేసింది.
చిత్రంలో రవితేజ కాస్తా డిఫరెంట్ లుక్, అటిట్యూడ్, బాడీ లాంగ్వేజీతో కనిపించబోతున్నారు. ఇప్పటి వరకు విడుదలైన సినిమా పోస్టర్లు, గ్లింప్స్ ఆసక్తిని పెంచుతున్నాయి. మరోవైపు సాంగ్స్ కూడా ఆకట్టుకుంటున్నాయి. భారీ బడ్జెట్‌తో రూపొందుతున్న రావణాసురుడు వేసవిలో విడుదలయ్యే క్రేజీ ప్రాజెక్ట్‌లలో ఒకటిగా నిలుస్తుందని ధీమా వ్యక్తం చేస్తున్నారు. ఈ చిత్రానికి హర్షవర్ధన్ రామేశ్వర్, భీమ్స్ సిసిరోలియో సంగీతం, విజయ్ కార్తీక్ కన్నన్ సినిమాటోగ్రఫీ, నవీన్ నూలి ఎడిటర్ ఈ సినిమాలో సుశాంత్ కీలక పాత్ర పోషిస్తున్నారు. శ్రీకాంత్ విస్సా మొదటి తరహా కథను రాశారు, ఇందులో సుధీర్ వర్మ తన మార్క్ టేకింగ్‌తో ఈ చిత్రాన్ని కథనంలో కొన్ని ఊహించని మలుపులు మరియు మలుపులతో స్టైలిష్ యాక్షన్ థ్రిల్లర్‌గా రూపొందిస్తున్నారు. రావణాసురుడు ఏప్రిల్ 7న ప్రపంచ వ్యాప్తంగా గ్రాండ్ రిలీజ్ కానుంది.
Latest Videos
చిత్రంలో శ్రీరామ్, అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ, రావు రమేష్, మురళీ శర్మ, సంపత్ రాజ్, నితిన్ మెహతా (అఖండ ఫేమ్), సత్య, జయ ప్రకాష్ తదితరులు ఆయా పాత్రలు పోషించారు. మరోవైపు ఏమాత్రం గ్యాప్ ఇవ్వకుండా బ్యాక్ టు బ్యాక్ సినిమాలతో రవితేజ దుమ్ములేపుతున్నారు. ఇప్పటికే ‘ధమాకా’, ‘వాల్తేరు వీరయ్య’ లాంటి చిత్రాలతో బ్లాక్ బాస్టర్ హిట్లను అందుకున్నారు. ప్రస్తుతం ‘రావణసుర’తో సిద్ధం అవుతున్నారు. అదేవిధంగా రవితేజ ‘టైగర్ నాగేశ్వర్ రావు’ చిత్రంలోనూ నటిస్తున్నారు. ఆ తర్వాత ‘కార్తీక్ ఘట్టమనేని’తోనూ ఓ సినిమాను ఓకే చేశారు. ఇలా వరుస ప్రాజెక్ట్ లతో మాస్ రాజా జోష్ కనబరుస్తుండటంతో ఫ్యాన్స్ ఖుషీ అవుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి