ఓటీటీలో రవిబాబు `రష్‌.. రెస్పాన్స్ ఎలా ఉందంటే..?

నటుడు, దర్శకుడు, నిర్మాత, ఎడిటర్‌ రవిబాబు.. తాజాగా `రష్‌` సినిమాతో వచ్చారు. థ్రిల్లర్‌ కాన్సెప్ట్ తో వచ్చిన ఈ మూవీ ఓటీటీలో విడుదలైంది. దీనికి ఎలాంటి స్పందన ఉందంటే..  

విలక్షణ దర్శకుడిగా, నటుడిగా రాణిస్తున్నారు రవిబాబు. ఆయన నటుడిగానే నిర్మాతగా, దర్శకుడిగా సినిమాలు చేస్తున్న విషయం తెలిసిందే. దర్శకుడిగా తనలోని క్రియేటివిటీని చూపిస్తున్నారు. చాలా సెలక్టీవ్‌గా ఆయన సినిమాలు చేస్తున్నారు. `నచ్చావులే` చిత్రంతో దర్శకుడిగా నిరూపించుకున్నారు. ఆద్యంతం నవ్వించడంతోపాటు ఎమోషనల్‌గా గుండె బరువెక్కించారు ఆ తర్వాత `అవును, `అవును 2` చిత్రాలో  భయటపెట్టాడు. మరోవైపు `అనసూయ`, `అమరావతి` చిత్రాలతో థ్రిల్లర్‌ యాక్షన్‌ చూపించి మెప్పించాడు. హర్రర్‌ సినిమాల్లో కొత్త కోణాన్ని ఆవిష్కరించాడు. తెలుగులో హర్రర్ మూవీస్‌ స్పెషలిస్ట్ గా మారారు. 

వైవిధ్యమైన సినిమాలో మెప్పిస్తున్నారు ఆయన. చాలా గ్యాప్‌ తీసుకుని సినిమాలు చేస్తున్నారు. తాజాగా ఆయన `రష్‌` అనే మూవీతో వచ్చారు. రవిబాబు నిర్మాతగా వ్య‌వ‌హ‌రిస్తూ, కథ - స్క్రీన్ ప్లే అందించిన‌ చిత్రమిది. సతీశ్ పోలోజు దర్శకత్వం వహించిన ఈ సినిమాలో డైసీ బోపన్న ప్రధాన పాత్ర పోషించారు. యాక్షన్ థ్రిల్లర్ జోనర్లో, యూనిక్ పాయింట్‌తో తెర‌కెక్కిన ఈ సినిమా ప్ర‌ముఖ ఓటీటీ ప్లాట్‌ఫామ్ 'ఈటీవీ విన్`లో స్ట్రీమింగ్ అవుతోంది. తాజాగా దీనికి మంచి స్పందన లభిస్తుంది. థ్రిల్లర్‌ సినిమాలకు ఓ కొత్త అనుభూతినిస్తుంది. ఇటీవల కాలంలో వచ్చిన చిత్రాలతో ఇదొక భిన్నమైన మూవీగా నిలిచి మెప్పిస్తుంది. కథ, కథనాలు ఎంగేజింగ్‌గా సాగడంతో దీనికి విశేష ఆదరణ లభిస్తుంది.

`రష్‌` గురించి చూస్తే, ఒక సాధార‌ణ గృహిణికి కొన్ని అసాధార‌ణ ప‌రిస్థితులు ఎదురైతే వాటిని ఆమె ధైర్యంగా ఎలా ఎదుర్కొంది అనే ఇంట్రెస్టింగ్ పాయింట్‌తో అద్భుత‌మైన యాక్ష‌న్ ఎపిసోడ్స్‌తో ఈ సినిమా తెరకెక్కింది. ఈ చిత్రంలో ర‌విబాబు డిస్క‌స్ చేసిన సోష‌ల్ ఇష్యూ కూడా ప్రేక్ష‌కుల‌ని త‌ప్ప‌క  ఆలోచింప‌జేస్తుంది. ఈ సినిమా ప్రస్తుతం ఈటీవి విన్‌లో మంచి ప్రేక్ష‌కాధ‌ర‌ణ‌తో దూసుకుపోతుంది. ఇటీవ‌లి కాలంలో ప‌ర్‌ఫెక్ట్ కంటెంట్ తో వచ్చిన సినిమాల జాబితాలో ఈ సినిమా చేర‌డంతో పాటు యాక్షన్ థ్రిల్లర్ సినిమాలను ఇష్టపడేవారికి ర‌ష్ త‌ప్ప‌క ఒక మంచి ఛాయిస్‌ గా నిలుస్తుందని టీమ్‌ చెబుతుంది. చూసిన వాళ్లు ఎట్టి పరిస్థితుల్లోనూ డిజప్పాయింట్ కారని అంటున్నారు.