రవితేజ మామూలు `ఖిలాడి` కాదుగా!
సారాంశం
తెలుగులో ఖిలాడి అంటే ఇప్పటి వరకు అయితే ఎవరూ లేరు. ఇకపై మాత్రం రవితేజని ఆ పేరుతో పిలిచే అవకాశాలున్నాయి. ఎందుకంటే ఆయన నటించబోతున్న సినిమాకి `ఖిలాడి` అనే టైటిల్ పెట్టాలనుకుంటున్నారట.
`ఖిలాడి` అంటే.. బాలీవుడ్ స్టార్ అక్షయ్ కుమార్ గుర్తొస్తాడు. ఎందుకంటే కెరీర్ ప్రారంభంలోనే ఆయన `ఖిలాడి` పేరుతో సినిమా ఫ్రాంఛైజీనే ప్రారంభించాడు. ఆ ఫ్రాంఛైజీలో ఏకంగా ఏడు సినిమాలు చేశాడు. దీంతో బాలీవుడ్ ఖిలాడి అంటే అక్షయ్ కుమారే గుర్తొచ్చేంతగా ఆయన ఆయా చిత్రాలతో మెస్మరైజ్ చేశాడు.
మరి తెలుగులో ఖిలాడి అంటే ఇప్పటి వరకు అయితే ఎవరూ లేరు. ఇకపై మాత్రం రవితేజని ఆ పేరుతో పిలిచే అవకాశాలున్నాయి. ఎందుకంటే ఆయన నటించబోతున్న సినిమాకి `ఖిలాడి` అనే టైటిల్ పెట్టాలనుకుంటున్నారట. ప్రస్తుతం రవితేజ.. గోపీచంద్ మలినేని దర్శకత్వంలో `క్రాక్` చిత్రంలో నటిస్తున్నారు. దీంతోపాటు రమేష్ వర్మ డైరెక్షన్లో ఓ సినిమా చేయనున్నాడు. గతంలో రమేష్ వర్మ దర్శకత్వంలో `వీర` చిత్రంలో రవితేజ నటించిన విషయం తెలిసిందే. ఆ సినిమా పరాజయం చెందింది. ఇటీవల `రాక్షసుడు`తో రమేష్ వర్మ హిట్ అందుకున్నాడు. దీంతో రవితేజ ఛాన్స్ ఇచ్చాడు.
వీరి కాంబినేషన్లో రాబోతున్నసినిమాకి `ఖిలాడి` అనే టైటిల్ని పరిశీలిస్తున్నట్టు ఫిల్మ్ నగర్ టాక్. ఇందులో ఆయన పాత్ర, మ్యానరిజం `ఖిలాడి` లాగా ఉంటాయని, పైగా రవితేజ రియల్గానూ అదే స్టయిల్లో ఉండటంతో ఈ టైటిల్ పర్ఫెక్ట్ యాప్ట్ అవుతుందని భావిస్తున్నారు. ఇక ఎప్పటిలాగే రవితేజ మార్క్ మాస్ ఎలిమెంట్స్ ఈ సినిమాకి మరో ఆకర్షణగా నిలవనున్నాయట. ఇదే నిజమైతే.. ఈ సినిమా వర్కౌట్ అయితే కచ్చితంగా రవితేజ టాలీవుడ్ ఖిలాడి అవుతాడనడంలో అతిశయోక్తి లేదు.
ఇక ఈ చిత్రంలో ఇద్దరు హీరోయిన్లకు ఛాన్స్ ఉందని, రాశీఖన్నా, నిధి అగర్వాల్లను ఎంపిక చేశారని టాక్. ప్రస్తుతం గోపీచంద్ మలినేని దర్శకత్వంలో రవితేజ నటిస్తున్న `క్రాక్` చిత్రంలో శృతి హాసన్ హీరోయిన్గా నటిస్తుంది. యాక్షన్ మేళవించిన సస్పెన్స్ థ్రిల్లర్ చిత్రమిది. రిలీజ్ కోసం వెయిటింగ్లో ఉంది.