Rathika Eliminate: బిగ్ బాస్ లీక్.. రతిక ఎలిమినేట్.. డబుల్ ఎలిమినేషన్లో ఇద్దరు లేడీ కంటెస్టెంట్లు ఔట్?
సారాంశం
తాజాగా బిగ్ బాస్ ఎలిమినేషన్లు లీక్ అయ్యాయి. అందుతున్న సమాచారం మేరకు ఈ వారం ఇద్దరు లేడీ కంటెస్టెంట్ హౌజ్ని వీడుతున్నట్టు తెలుస్తుంది.
బిగ్ బాస్ తెలుగు 7వ సీజన్లో గత వారం ఎలిమినేషన్ లేదు. గౌతమ్, అశ్వినిలను కాపాడాడు బిగ్బాస్. అయితే ఈ వారం డబుల్ ఎలిమినేషన్ ఉంటుందని నాగార్జున తెలిపిన విషయం తెలిసిందే. తాజాగా ఈ వారం డబుల్ ఎలిమినేషన్కి కట్టుబడి ఉన్నారట. ప్రస్తుతం నామినేషన్లో శివాజీ, ప్రశాంత్, యావర్, అర్జున్, రతిక, అశ్విని, గౌతమ్, అమర్దీప్ లు ఉన్నారు. వీరిలో ఎవరు వెళ్తారనేది ఆసక్తికరంగా మారింది. అయితే చాలా వరకు అశ్విని, రతిక, గౌతమ్లు ఎలిమినేషన్కి దగ్గరగా ఉన్నారనే ప్రచారం జరిగింది.
ఈ నేపథ్యంలో తాజాగా బిగ్ బాస్ ఎలిమినేషన్లు లీక్ అయ్యాయి. అందుతున్న సమాచారం మేరకు ఈ వారం ఇద్దరు లేడీ కంటెస్టెంట్ హౌజ్ని వీడుతున్నట్టు తెలుస్తుంది. ప్రస్తుతం హౌజ్లో ఎలిమినేషన్ ప్రక్రియ జరుగుతుందట. డబుల్ ఎలిమినేషన్లో భాగంగా ఇద్దరు లేడీ కంటెస్టెంట్లు వెళ్లిపోతున్నట్టు తెలుస్తుంది. శనివారం ఎపిసోడ్లో అశ్వినిని ఎలిమినేట్ చేస్తున్నట్టు సమాచారం. డబుల్ ఎలిమినేషన్లో భాగం మరో ఎలిమినేషన్ ఉంది. అయితే రెండో కంటెస్టెంట్గా రతిక ఎలిమినేట్ అయ్యిందని తెలుస్తుంది. ఆదివారం ఎపిసోడ్లో రతిక ఎలిమినేట్ ఉంటుందట.
ఈ ఇద్దరి ఆట తీరు ప్రారంభం నుంచి డల్గా ఉంది. భోలే, తేజల కంటే ఈ ఇద్దరిని పంపించినా బాగుండేదనే అభిప్రాయం వినిపించింది. తాజాగా ఆ పని చేశాడు బిగ్ బాస్. 12వ వారంలో ఈ ఇద్దరిని హౌజ్ నుంచి ఇంటికి పంపించినట్టు తెలుస్తుంది. మరి ఇందులో నిజమెంతా అనేది తెలియాల్సి ఉంది. కానీ ఇది హాట్ టాపిక్ అవుతుంది.
ఇదిలా ఉంటే రతిక ఇప్పటికే ఓ సారి ఎలిమినేట్ అయ్యింది. కానీ ఆమె బ్రతిమాలుకుని, హౌజ్లో కంటెస్టెంట్లో ఓటింగ్ని బేస్ చేసుకుని మళ్లీ తీసుకొచ్చారు. మొదట్లోనే ఆమె ఆట తీరు, ప్రవర్తనపై విమర్శలు వచ్చాయి. మళ్లీ రీ ఎంట్రీ తర్వాత కూడా ఆమె ఆటతీరులో పెద్దగా మార్పు లేదు. అయినా నాగార్జున, ఇతర కంటెస్టెంట్లు కూడా ఆమె ఆడటం లేదని చెబుతూనే వస్తున్నారు, కొంత టైమ్ ఇవ్వండి అంటూ ఆమె వేడుకుంటుంది. అలా సేవ్ అవుతూ వచ్చిన ఆమె ఇప్పుడు 12వ వారంలో హౌజ్ని వీడుతున్నట్టు తెలుస్తుంది.
ఇక అశ్విని కూడా వైల్డ్ కార్డ్ ద్వారానే హౌజ్లోకి వచ్చింది. ఆమె ప్రారంభంలో కొంత బాగానే అనిపించినా, ఆ తర్వాత డల్ అయ్యింది. ఇతర కంటెస్టెంట్లని ఎదుర్కోవడంలో ఆమె డీలా పడింది. కానీ మొత్తానికి నెట్టుకుంటూ వచ్చింది. అయితే ఈ వారం ఆమెని ఎవరూ నామినేట్ చేయలేదు. ఇతరులను నామినేట్ చేయడం ఇష్టం లేక తనని తానే నామినేట్ చేసుకుంది. ఫలితంగా ఆమెనే బలయ్యింది.