ఆ విషయం నన్ను కలచివేసింది.. యాంకర్ రష్మి

బుల్లితెర యాంకర్ గా మంచి పాపులారిటీ దక్కించుకున్న రష్మి టీవీ షోలతో బిజీగా గడుపుతోంది. అయితే తాజాగా ఆమె సోషల్ మీడియాలో ఓ పోస్ట్ పెట్టింది. ఆమె షూటింగ్ కోసం స్టూడియోకి వెళ్లగా.. అక్కడ బయట ఒక కుక్కపిల్లని చూసిందట.

దానికి వైద్యం కావాలని, ఎవరూ పట్టించుకోకపోవడం బాధగా ఉందంటూ ట్వీట్ పెట్టింది. ఆ కుక్కపిల్ల ఫోటోలను షేర్ చేస్తూ.. ''ఈ పప్పీకి వైద్యసాయం కావాలి. నేను షూటింగ్ చేస్తున్న స్టూడియో బయట దీనిని నేను చూశాను. జంతువుల పట్ల మనుషులు చూపిస్తున్న నిరాదారణ నన్ను కలచివేసింది. దయచేసి సాయం చేయండి'' అంటూ పోస్ట్ పెట్టింది.

మరికాసేపటికి ఆ పప్పీని తాను హాస్పిటల్ కి తీసుకెళుతున్నట్లు చెప్పింది. దానికి తీవ్ర గాయాలైనట్లు కనిపిస్తోందని.. వైద్యంతో అది కోలుకుంటుందని భావిస్తున్నట్లు చెప్పింది. దయచేసి రెస్క్యూ హోం నంబర్స్ ఉంటే తెలియబరచాలని ఫ్యాన్స్ ని కోరింది.