జీఎస్టీ వర్మ "శపథం".. ఒక్క సారిగా మారిన వర్మ

వర్మ జీఎస్టీకి ఫుల్ క్రేజ్ మహిళల నుంచి కూడా మద్దతు జీఎస్టీ తర్వాత వర్మ శపథం

సంచలన దర్శకుడు రామ్ గోపాల్ వర్మ ‘గాడ్, సెక్స్ అండ్ ట్రూత్’ మూవీ ఆన్‌లైన్‌లో శనివారం ఉదయం 9 గంటలకు విడుదలైంది. శుక్రవారం నాడు ఈ సినిమాను విడుదల చేసినప్పటికీ టెక్నికల్ సమస్యలు తలెత్తడంతో శనివారం నాటికి వాయిదా పడిండి. కాగా ‘గాడ్, సెక్స్ అండ్ ట్రూత్’ మూవీ ఏంటి? ఎలా ఉంది విషయాలను పక్కనపెట్టేస్తే.. ఈ మూవీతో వర్మ, ఇందులో నటించిన పోర్న్‌స్టార్ మియా మాల్కోవా‌కు ఇంతకు ముందెన్నడూ లేనంత పబ్లిసిటీ వచ్చేయడంతో.. వర్మ తన ఫోకస్‌ను అప్ కమింగ్ మూవీకి షిఫ్ట్ చేసినట్లు తెలుస్తోంది.

ప్రస్తుతం ఈ వివాదాల దర్శకుడు కింగ్ నాగార్జున హీరోగా ఓ యాక్షన్ అండ్ థ్రిల్లర్ మూవీకి ప్లాన్ చేశారు. గత ఏడాది నవంబర్ 20న ఈ మూవీ అన్నపూర్ణ స్టుడియో‌లో వైభవంగా ప్రారంభించారు వర్మ. రామ్ గోపాల్ వర్మ- నాగార్జున కాంబినేషన్‌లో 28 ఏళ్ల క్రితం వచ్చిన ‘శివ’ ఇప్పటికీ ఓ సంచలనమే. తిరిగి ఇన్నేళ్ల తరువాత మళ్లీ వీరి కాంబోలో మూవీ అంటే అంచనాలు భారీగానే ఉన్నాయి. ఈ అంచనాలకు తగ్గట్లుగానే వర్మ ఈ చిత్రాన్ని తెరకెక్కిస్తున్నట్లు తెలుస్తోంది.

కాగా ఈ చిత్రానికి ఓ ఇంట్రస్టింగ్ టైటిల్ ప్రచారంలోకి వచ్చి సినీ సర్కిల్‌లో చక్కర్లు కొడుతోంది. తాజా సమాచారం ప్రకారం ఈ చిత్రానికి ‘శపథం’ అనే టైటిల్‌ను ఫైనల్ చేసినట్లు తెలుస్తోంది. ‘రివెంజ్ కంప్లీట్స్’ అనేది ఉపశీర్షిక. శివ 2, 'గన్' , 'సిస్టమ్' లాంటి పేర్లు ప్రచారంలోకి వచ్చినప్పటికీ ‘శపథం’టైటిల్‌కే మొగ్గు చూపారట వర్మ. ఈ సినిమాలో నాగార్జున పవర్ ఫుల్ పోలీస్ ఆఫీసర్ పాత్రలో కనిపిస్తుండగా.. ఆయన సరసన హీరోయిన్‌గా నటించేందుకు మైరా సరీన్ అనే మోడల్‌ను ఎంపిక చేసుకున్నారు. ఈ చిత్రాన్ని రామ్ గోపాల్ వర్మ కంపెనీ బ్యానర్‌లో స్వయంగా ఆర్జీవీ నిర్మించడం మరో విశేషం.