రామ్ చరణ్, సుకుమార్ సినిమా షూటింగ్ మెదలు పెట్టేశారు

సుకుమార్ దర్శకత్వంలో తెరకెక్కుతున్న మూవీ షూటింగ్ ప్రారంభం చాలా రోజుల క్రితమే ప్రారంభోత్సవం జరుపుకున్న చరణ్,సుకుమార్ మూవీ రాజమండ్రిలో షూటింగ్ కోసం వెళ్లినట్టు ఫోటో పెట్టి మరీ స్పష్టం చేసిన సుష్మిత

హీరోగా ధృవ, నిర్మాతగా ఖైదీ నంబర్ 150 లాంటి రెండు భారీ విజయాలను అందుకున్న మెగా పవర్ స్టార్ రామ్ చరణ్ తన తాజా చిత్రాన్ని మొదలెట్టేస్తున్నాడు. ధృవ తరువాత రామ్ చరణ్ సుకుమార్ దర్శకత్వంలో ఓ సినిమాను ప్రారంభించాడు. చాలా రోజుల క్రితమే ఈ సినిమా పూజా కార్యక్రమాలు జరిగినా.. లొకేషన్ల ఎంపిక పూర్తి కాకపోవటంతో షూటింగ్ ఆలస్యమైంది. అయితే శనివారం షూటింగ్లో పాల్గొనేందుకు చరణ్ రాజమండ్రి చేరుకున్నాడు.

ఖైదీ నంబర్ 150లో చిరును కొత్తగా చూపించిన కాస్ట్యూమ్ డిజైనర్, మెగా డాటర్ సుశ్మిత కూడా చెర్రీతో పాటు రాజమండ్రి చేరుకుంది. సుకుమార్ దర్శకత్వంలో పల్లెటూరి వాతావరణంలో తెరకెక్కుతున్న ఈ సినిమాకు సుశ్మిత కాస్ట్యూమ్స్ డిజైన్ చేస్తోంది. తొలిసారిగా చరణ్ సరసన సమంత హీరోయిన్గా నటిస్తుండగా, తమిళ నటుడు వైభవ్ కీలక పాత్రలో కనిపించనున్నాడు.