రామ్‌ చరణ్‌, సుకుమార్‌ కాంబోలో పాన్‌ ఇండియా మూవీ? స్క్రిప్ట్ లాక్‌.. షూటింగ్‌, బడ్జెట్‌ డిటెయిల్స్ ?

రామ్‌ చరణ్‌, సుకుమార్‌ కాంబినేషన్‌లో వచ్చిన `రంగస్థలం` చిత్రం పెద్ద విజయం సాధించింది. ఈ నేపథ్యంలో మరోసారి ఈ ఇద్దరు కలవబోతున్నారు. పాన్‌ ఇండియా సినిమాతో రాబోతున్నారు. 

మెగా పవర్‌ స్టార్‌ రామ్‌చరణ్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో `రంగస్థలం` సినిమా వచ్చి పెద్ద విజయం సాధించింది. అప్పట్లో నాన్‌ `బాహుబలి` రికార్డులను క్రియేట్‌ చేసింది. రామ్‌చరణ్‌ని కొత్తగా ఆవిష్కరించిన చిత్రమిది. అదే సమయంలో సుకుమార్‌ కాస్త దిగొచ్చి సినిమా చేస్తే ఎలా ఉంటుందో ఈ చిత్రంతో చూపించారు. అప్పట్లోనే ఇది రెండు వందల కోట్లు దాటింది. అదిరిపోయే కాంబినేషన్‌గా రామ్‌ చరణ్‌, సుకుమార్‌ కాంబో నిలిచింది. 

ఇప్పుడు ఈ కాంబో రిపీట్‌ కాబోతుంది. మరోసారి ఈ కాంబినేషన్‌లో సినిమా రాబోతుంది. ప్రస్తుతం సుకుమార్‌.. అల్లు అర్జున్‌తో `పుష్ప2` చిత్రం చేస్తున్నారు. ఇది ఆగస్ట్ 15న విడుదల కాబోతుంది. ఆ రిలీజ్‌ డేట్‌లో మార్పు ఉండదని తెలుస్తుంది. దీంతో సుకుమార్‌ ఫ్రీ అయిపోతాడు. ఆ తర్వాత ప్రాజెక్ట్ రామ్‌చరణ్‌తో చేయబోతున్నారట. ఇప్పటికే దీనికి సంబంధించిన చర్చలు కూడా జరిగినట్టు తెలుస్తుంది. 

అంతేకాదు ఓ ఇంట్రెస్టింగ్‌ విషయం బయటకు వచ్చింది. ఈ మూవీ స్క్రిప్ట్ కూడా లాక్‌ అయ్యిందట. డేట్స్, బడ్జెట్‌ కూడా ఫైనల్‌ అయ్యిందని అంటున్నారు. ఈ కాంబినేషన్‌లో చాలా రోజుల క్రితమే ఓకే అయ్యిందని, `పుష్ప2` పూర్తయిన తర్వాత దీనిపై వర్క్ చేయబోతున్నారని సమాచారం. అక్టోబర్ నుంచి ఈ మూవీకి సంబంధించిన ప్రీ ప్రొడక్షన్‌ వర్క్ ని స్టార్ట్ చేయబోతున్నారట. 

ఇది పాన్‌ ఇండియా మూవీగా తెరకెక్కనుందని, భారీ బడ్జెట్‌తో రూపొందిస్తారని తెలుస్తుంది. బడ్జెట్‌ని ఏకంగా నాలుగు వందల కోట్లు ఎస్టిమేట్‌ చేసినట్టు టాక్‌. ప్రస్తుతం ఈ విషయం సోషల్‌ మీడియాలో, ఫిల్మ్ నగర్‌లో చక్కర్లు కొడుతుంది. మరి ఇందులో నిజం ఎంతనేది తెలియాల్సి ఉంది. ప్రస్తుతం చరణ్‌.. శంకర్‌ దర్శకత్వంలో `గేమ్‌ ఛేంజర్‌` చిత్రంలో నటిస్తున్నారు. ఇది సెప్టెంబర్‌లో రిలీజ్‌ కాబోతుంది. దీని తర్వాత బుచ్చిబాబు తో సినిమా చేస్తారు చరణ్‌, ఆ తర్వాత సుకుమార్‌ సినిమా ప్రారంభం కానుంది. బహుశా ఇది వచ్చే ఏడాది షూటింగ్‌ ప్రారంభం కానుందని తెలుస్తుంది.