'రాక్షసుడు' ఫస్ట్ లుక్ వచ్చేసింది!

బెల్లంకొండ శ్రీనివాస్, అనుపమ పరమేశ్వరన్ జంటగా నటిస్తోన్న తాజా చిత్రం 'రాక్షసుడు'. తమిళంలో ఘన విజయం సాధించిన 'రాచ్చసన్' చిత్రానికి రీమేక్ గా ఈ చిత్రాన్ని తెరకెక్కిస్తున్నారు.

ఉగాది పండగను పురస్కరించుకొని చిత్రబృందం సినిమా ఫస్ట్ లుక్ పోస్టర్ ని విడుదల చేసింది. ఈ పోస్టర్ లో బెల్లంకొండ, అనుపమ సీరియస్ లుక్ తో కనిపిస్తున్నారు. సస్పెన్స్ థ్రిల్లర్ తో సాగే ఈ సినిమా ఇప్పటికే అరవై శాతం షూటింగ్ పూర్తి చేసుకుందని చిత్రబృందం ప్రకటించింది. 

ప్రస్తుతం హైదరబాద్ లోని అల్యూమినియం ఫ్యాక్టరీలో సినిమా షూటింగ్ జరుగుతోంది. హై వోల్టేజ్ యాక్షన్ సన్నివేశాలను అక్కడ చిత్రీకరిస్తున్నారు. ఈ ఏడాది ఈద్ సందర్భంగా సినిమాను ప్రేక్షకుల ముందుకు తీసుకురానున్నారు. రమేష్ వర్మ డైరెక్ట్ చేస్తోన్న ఈ సినిమాను కోనేరు సత్యనారాయణ నిర్మిస్తున్నారు.