రాజ'శేఖర్' రిలీజ్ డేట్ ఫిక్స్!

ఇది రాజశేఖర్ కెరీర్ లో 91వ చిత్రం. "వాడెప్పుడైనా మనం చెప్పింది చేశాడా... వాడు చేసేది ఎప్పుడైనా మనకు చెప్పాడా" అంటూ సాగే కొన్ని డైలాగులు 'శేఖర్' క్యారక్టరైజేషన్ ని వివరిస్తున్నాయి.

రాజశేఖర్ హీరోగా నటించిన తాజా సినిమా 'శేఖర్'. ఇందులో ఆయన పెద్ద కుమార్తె శివానీ రాజశేఖర్ కీలక పాత్రలో కనిపించనున్నారు. సినిమాలోనూ రాజశేఖర్ కుమార్తె పాత్రలో శివాని నటించారు.‌ వెండితెరపై తండ్రి తనయ కలిసి కనిపించనున్న తొలి చిత్రమిదే.   రాజశేఖర్ మరోసారి విలక్షణమైన లుక్ తో ప్రేక్షకుల ముందుకు వస్తున్నాడు. ఈ సినిమాకు రాజశేఖర్ అర్ధాంగి జీవిత దర్శకత్వం వహించారు. ఇప్పుడు, మేకర్స్ కొత్త విడుదల తేదీని లాక్ చేసారు. రాజశేఖర్ 91వ సినిమా అయిన ‘శేఖర్’ మే 20న థియేటర్లలోకి రానుంది.

శేఖర్ చిత్రాన్ని సంక్రాంతి సీజన్ లో రిలీజ్ చేయాలని ప్లాన్ చేసినా,  కార్యరూపం దాల్చలేదు. ఇన్నాళ్లకు రిలీజ్ డేట్ ను చిత్ర టీమ్  కన్ఫర్మ్ చేసింది. ఇది రాజశేఖర్ కెరీర్ లో 91వ చిత్రం. "వాడెప్పుడైనా మనం చెప్పింది చేశాడా... వాడు చేసేది ఎప్పుడైనా మనకు చెప్పాడా" అంటూ సాగే కొన్ని డైలాగులు 'శేఖర్' క్యారక్టరైజేషన్ ని వివరిస్తున్నాయి.

 దర్శకురాలు జీవితా రాజశేఖర్ మాట్లాడుతూ "రాజశేఖర్, శివాని మధ్య సన్నివేశాలు సినిమాకు ప్రత్యేక ఆకర్షణగా నిలుస్తాయి. నిజ జీవితంలో ఎలా ఉంటారో... సినిమాలో కూడా అలాగే ఉన్నారు. వారిద్దరూ చాలా సహజంగా చేశారు. ఇప్పటికే విడుదల చేసిన ప్రచార చిత్రాలు, ఫస్ట్ గ్లింప్స్, లవ్ గంట మోగిందంటే పాటకు అద్భుత స్పందన లభించింది. సినిమా కూడా అదే స్థాయిలో ఆకట్టుకుంటుందనే నమ్మకం ఉంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. త్వరలో సినిమా విడుదల తేదీ వెల్లడిస్తాము" అని చెప్పారు.

 ఈ సినిమాకు అనూప్ రూబెన్స్ సంగీతం అందించారు. ఈ చిత్రం నుంచి వచ్చిన 'లవ్ గంటే...' పాట శ్రోతలను విశేషంగా ఆకట్టుకుంది. రాజశేఖర్ సాల్ట్ అండ్ పెప్పర్ లుక్ తో కొత్తగా కనిపిస్తుండడం పట్ల అభిమానుల్లో ఆసక్తి అధికమవుతోంది.

రాజశేఖర్, ఆత్మీయ రజన్, జార్జ్ రెడ్డి ఫేమ్ ముస్కాన్, అభినవ్ గోమఠం, కన్నడ కిషోర్, సమీర్, భరణి శంకర్ , రవి వర్మ, శ్రవణ్ రాఘవేంద్ర తదితరులు నటించిన ఈ చిత్రానికి పీఆర్వో: నాయుడు సురేంద్ర కుమార్ - ఫణి కందుకూరి (బియాండ్ మీడియా), డిజిటల్ పార్ట్నర్: టికెట్ ఫ్యాక్టరీ, కళ: సంపత్ - దత్, రైటర్: లక్ష్మీ భూపాల, ఛాయాగ్రహణం: మల్లికార్జున్ నరగని, సంగీతం: అనూప్ రూబెన్స్, సమర్పణ: వంకాయలపాటి మురళీకృష్ణ, నిర్మాతలు: బీరం సుధాకర్ రెడ్డి, శివాని రాజశేఖర్, శివాత్మిక రాజశేఖర్, వెంకట శ్రీనివాస్ బొగ్గరం, స్క్రీన్ ప్లే-దర్శకత్వం: జీవితా రాజశేఖర్.