‘లక్ష్మీస్ ఎన్టీఆర్’ పై స్పందించిన పురందేశ్వరి

ఎన్టీఆర్ జీవిత కథ ఆధారంగా తెరకెక్కుతున్న ‘లక్ష్మీస్ ఎన్టీఆర్’ ‘లక్ష్మీస్ ఎన్టీఆర్ ’కి దర్శకత్వం వహిస్తున్న ఆర్జీవీ నిర్మాతగా వ్యవహరిస్తున్న వైసీపీ నేత

లెజండరీ యాక్టర్.. స్వర్గీయ నందమూరి తారకరామారావు జీవిత కథ ఆధారంగా ఓ సినిమా తెరకెక్కుతోంది. ఈ సినిమాకి సెన్సేషనల్ డైరెక్టర్ రామ్ గోపాల్ వర్మ దర్శకత్వం వహిస్తున్న సంగతి తెలిసిందే. ఎన్టీఆర్ రెండో భార్య లక్ష్మి పార్వతి కోణంలో ఆర్జీవీ ఈ సినిమాను తెరకెక్కిస్తున్నారు.

అయితే.. ఎన్టీఆర్ కుటుంబ సభ్యులతోపాటు టీడీపీ నేతలు, పలువురు అభిమానులు ఈ సినిమాపై అభ్యంతరాలు వ్యక్తం చేశారు. తాజాగా.. ఎన్టీఆర్ కుమార్తె, బీజేపీ నేత పురందేశ్వరి ఈ చిత్రంపై స్పందించారు. ఎన్టీఆర్ లాంటి మహానటుడి జీవిత కథను సినిమాగా తెరకెక్కిస్తున్నప్పుడు ఆయన గురించి అన్ని విషయాలు తెలుసుకోవాలన్నారు. కేవలం ఒక్కరి కోణంలో సినిమా తీయడం సరికాదని ఆమె అభిప్రాయపడ్డారు.

సినిమా తెరకెక్కించడానికి ముందే.. తమ కుటుంబ సభ్యులందరితో చర్చించాలని.. ఆ తర్వాత షూటింగ్ ప్రారంభించాలని పురందేశ్వరి ఆర్జీవీని కోరారు. ఈ సినిమాకి వైసీపీ నేత నిర్మాతగా వ్యవహరిస్తున్నారు.