వ్యాక్సిన్ల పేరుతో నిర్మాత సురేష్‌బాబుని బురిడీ కొట్టించిన కేటుగాడు

టాలీవుడ్‌ ప్రముఖ నిర్మాత సురేష్‌బాబుని ఓ కేటుగాడికి దొరికిపోయాడు. వ్యాక్సిన్ల పేరుతో సురేష్‌బాబుని బురిడీ కొట్టించాడు నేరగాడు. తన వద్ద వ్యాక్సిన్లు ఉన్నాయని చెప్పి అక్షరాల లక్ష రూపాయలు గుంజేశాడు. ఓ వ్యక్తి తన వద్ద కరోనా వ్యాక్సిన్లు ఉన్నాయని నిర్మాత సురేష్‌బాబు ఆఫీస్‌కి ఫోన్‌ చేశాడు. దీంతో అది నిజమని నమ్మిన మేనేజర్‌ అతను అడిగిన లక్ష రూపాయలు ఆన్‌లైన్‌లో ట్రాన్స్ ఫర్‌ చేశాడు. మనీ తన అకౌంట్‌లోకి రావడంతో ప్లేట్‌ పిరాయించాడు ఆ కేటుగాడు. ఎన్ని సార్లు ఫోన్‌ చేసినా ఫోన్‌ లిఫ్ట్ చేయడం లేదు. 

దీంతో తాము మోసపోయామని మేనేజర్‌కి అర్థమైంది. దీంతో జూబ్లీహిల్స్ పోలీస్‌ స్టేషనల్‌లో ఫిర్యాదు చేశాడు. కేసు నమోదు చేసిన పోలీసులు దర్యాప్తు ప్రారంభించారు. కరోనాని ఆసరగా చేసుకుని కేటుగాళ్లు ఎంతటి దారుణాలకు దిగజారుతున్నారో అర్థం చేసుకోవచ్చు. వెల్‌ ఎడ్యూకేటెడ్‌, తెలివైన నిర్మాత అయినా సురేష్‌బాబునే మోసపోతే, ఇక సాధారణ జనాల పరిస్థితేంటో అర్థం చేసుకోవచ్చు.