4 లగ్జరీ ఫ్లాట్లు, 16 కోట్లకు అమ్మేసిన స్టార్ హీరోయిన్ ఎవరు? అన్ని ఆస్తులు ఎందుకు అమ్ముకుందో తెలుసా?

4 లగ్జరీ ప్లాట్ లు, 16 కోట్లు, భారీగా ఆస్తులను అమ్మేస్తోంది స్టార్ హీరోయిన్. ఇంతకీ ఎవరా హీరోయిన్? ఎందుకు అమ్మేస్తోంది. 

 బాలీవుడ్ నుంచి హాలీవుడ్ కు జంప్ చేసిన స్టార్ హీరోయిన్ ప్రియాంక చోప్రా ముంబైలో నాలుగు లగ్జరీ అపార్ట్‌మెంట్లు అమ్మేసింది. ఒబెరాయ్ స్కై గార్డెన్స్‌లోని ఫ్లాట్లతో పాటు మరికొన్ని ఆస్తులను ఆమె  అమ్మింది. ఇంతకీ ప్రియాంక ఎందుకు ఇలా చేసింది. ఆమె ఆలోచన ఏంటి. 

 బాలీవుడ్ నటి ప్రియాంక చోప్రా జోనాస్ ముంబైలోని అంధేరి వెస్ట్ ప్రాంతంలో తన నాలుగు లగ్జరీ అపార్ట్‌మెంట్లను రూ.16.17 కోట్లకు అమ్మేసింది. ఈ నాలుగు అపార్ట్‌మెంట్లు ఒబెరాయ్ స్కై గార్డెన్స్ ప్రాజెక్ట్‌లో ఉన్నాయి. 

ముంబైలోని అంధేరి వెస్ట్‌లోని లోఖండ్‌వాలాలోని ఒబెరాయ్ స్కై గార్డెన్స్ అనే ప్రాజెక్ట్‌లో 18, 19 అంతస్తుల్లో ఉన్న అపార్ట్‌మెంట్లను ప్రియాంక అమ్మేసిందని సమాచారం. 

1075 చదరపు అడుగుల విస్తీర్ణంలో ఉన్న 18వ అంతస్తులోని మొదటి అపార్ట్‌మెంట్ విలువ రూ.3.45 కోట్లు. కొనుగోలుదారు రూ.17.26 లక్షల స్టాంప్ డ్యూటీ చెల్లించారు. ఈ ఫ్లాట్‌కు ఒక కార్ పార్కింగ్ సౌకర్యం కూడా ఉంది.

18వ అంతస్తులో ఉన్న రెండో అపార్ట్‌మెంట్ విలువ రూ.2.85 కోట్లు. దీని విస్తీర్ణం 885 చదరపు అడుగులు. కొనుగోలుదారు రూ.14.25 లక్షల స్టాంప్ డ్యూటీ చెల్లించారు. ఈ అపార్ట్‌మెంట్‌కు కూడా ఒక కార్ పార్కింగ్ స్థలం ఉంది.

మిగిలిన రెండు ఫ్లాట్లకు వరుసగా రూ.3.52 కోట్లు, రూ.6.35 కోట్లు ధర వచ్చింది. మార్చి 3న ఫ్లాట్ల బదిలీ జరిగిందని సమాచారం. 

2024లో ప్రియాంక చోప్రా కుటుంబం పూణేలోని కొరెగావ్ పార్క్‌లో ఉన్న ఒక బంగ్లాను నెలకు రూ.2 లక్షలకు అద్దెకు ఇచ్చింది. నటి సోదరుడు సిద్ధార్థ్ చోప్రా, తల్లి మధు చోప్రా ఈ బంగ్లాకు యజమానులు. అద్దెకు తీసుకున్న సంస్థ రూ.6 లక్షల సెక్యూరిటీ డిపాజిట్ చెల్లించిందని సమాచారం. 

ప్రస్తుతం రాజమౌళి దర్శకత్వంలో సినిమా చేస్తున్న ప్రియాంక, అమెరికన్ గాయకుడు నిక్ జోనాస్‌ను 2018లో పెళ్లి చేసుకున్న తర్వాత లాస్ ఏంజిల్స్‌ లో కాపురం పెట్టింది. ఇక అక్కడే హాలీవుడ్ సినిమాలు చేసుకుంటూ ఉండిపోయింది. ఇక ఇండియాకు వచ్చినా  పెద్దగా ఇక్కడ ఉండేది లేనందున.. ఆమె ఇక్కడి ఆస్తులను అమ్మేసి  పూర్తిగా విదేశాలకు షిఫ్ట్ అవుతున్నట్టు తెలుస్తోంది. 

మహేష్  బాబు జోడీగా నటిస్తోంది ప్రియాంక చోప్రా. పాన్ వరల్డ్ సినిమాగా తెరకెక్కుతోన్న రాజమౌళి సినిమాలో హీరోయని్ గా నటిస్తున్నందుకు పెద్దమొత్తంలోనే రెమ్యునరేషన్ తీసుకుంటుందట ప్రియాంక.