తన సీతకి పుట్టిన రోజు శుభాకాంక్షలు తెలిపిన ప్రభాస్‌..ఏమన్నాడంటే?

మంగళవారం కృతి సనన్‌ పుట్టిన రోజు. ఆమె తన 31వ బర్త్ డే సెలబ్రేట్‌ చేసుకుంటున్నారు. ఈ నేపథ్యంలో ఆమెకి బర్త్ డే విషెస్‌ తెలిపారు ప్రభాస్‌, అండ్‌ `ఆదిపురుష్‌` టీమ్‌. ప్రభాస్‌ తన సీతకి ప్రత్యేకంగా శుభాకాంక్షలు తెలిపారు.

తన వెండితెర సీతకి పుట్టిన రోజు శుభాకాంక్షలు తెలిపారు ప్రభాస్‌. తాను రాముడిగా, కృతి సనన్‌ సీతగా `ఆదిపురుష్‌` చిత్రంలో నటిస్తున్న విషయం తెలిసిందే. ఈ సినిమాకి బాలీవుడ్‌ దర్శకుడు ఓం రౌత్‌ దర్శకత్వం వహిస్తున్నారు. ఇందులో రావణుడిగా సైఫ్‌ అలీ ఖాన్‌ నటిస్తున్నారు. ఇటీవలే ముంబయిలో ఓ షెడ్యూల్‌ని పూర్తి చేసుకుందీ సినిమా. 

నేడు(జులై27) మంగళవారం కృతి సనన్‌ పుట్టిన రోజు. ఆమె తన 31వ బర్త్ డే సెలబ్రేట్‌ చేసుకుంటున్నారు. ఈ నేపథ్యంలో ఆమెకి బర్త్ డే విషెస్‌ తెలిపారు ప్రభాస్‌, అండ్‌ `ఆదిపురుష్‌` టీమ్‌. ప్రభాస్‌ తన సీతకి ప్రత్యేకంగా శుభాకాంక్షలు తెలిపారు. కృతి సనన్‌ హాట్‌ ఫోటోని పంచుకుంటూ బర్త్ విషెస్‌ తెలిపారు. `ఆదిపురుష్‌`కి మీరు చేసేది చాలా విలువైనదని తెలిపారు. 

మరోవైపు దర్శకుడు ఓం రౌత్‌ చెబుతూ, కృతి సనన్‌తో సెట్‌లో సరదాగా కూర్చొని ఫన్నీ డిస్కషన్‌ ఫోటోని పంచుకుంటూ బర్త్ డే విషెస్‌ తెలిపారు. ఈ పిక్‌ సైతం హల్‌చల్‌ చేస్తుంది. మరోవైపు బాలీవుడ్‌, టాలీవుడ్‌ ప్రముఖులు కృతికి బర్త్ డే విషెస్‌ తెలియజేస్తున్నారు. కృతి తెలుగులో మహేష్‌ సరసన `వన్‌ నేనొక్కడినే` చిత్రంతో హీరోయిన్‌గా పరిచయమై బాలీవుడ్‌లో సెటిల్‌ అయ్యింది. చాలా గ్యాప్‌తో ఇప్పుడు మళ్లీ టాలీవుడ్‌ కమ్‌ బ్యాక్‌ కాబోతుంది. 

ఈ సినిమాలో సన్నీ సింగ్‌ లక్ష్మణుడిగా నటిస్తున్నారు. ఇది తెలుగు, హిందీతోపాటు తమిళం, కన్నడ, మలయాళంలో విడుదల కానుంది. వచ్చే ఏడాది ఆగస్ట్ 11న రిలీజ్‌ చేయనున్నారు. ఇదిలాఉంటే ప్రస్తుతం కృతి నటించిన `మిమి` సినిమా సోమవారం నుంచి నెట్‌ఫ్లిక్స్ లో స్ట్రీమింగ్‌ అవుతుంది. దీనికి మంచి టాక్‌ రావడం, ఆ వెంటనే తన బర్త్ డే కావడంతో కృతి ఆనందానికి అవధుల్లేవని చెప్పొచ్చు. దీంతోపాటు `హమ్‌ దో హమారే దో`, `బచ్చన్‌ పాండే`, `భేడియా` చిత్రాల్లో నటిస్తూ బిజీగా ఉంది కృతి.