Thamannaah: ‘త‌మ‌న్నా’ హీరోయిన్ గా పాన్ ఇండియా మూవీ ప్రారంభం.. మహిళా బౌన్సర్ గా మిల్క్ బ్యూటీ కొత్త అవతారం

మిల్స్ బ్యూటీ ‘తమన్నా’ (Thamannah) హీరోయిన్ గా త్వరలో పాన్ ఇండియా మూవీ రాబోతోంది. హిందీలో ‘బబ్లీ బౌన్సర్’ టైటిల్ తో బాలీవుడ్  డైరెక్టర్ మధుర్ బండార్కర్ ఈ చిత్రాన్ని తెరకెక్కించనున్నారు. తాజాగా ఈ మూవీ పూజా కార్యక్రమాలు పూర్తయ్యాయి.   

ప్ర‌ముఖ ద‌ర్శ‌కుడు మ‌ధుర్ భండార్క‌ర్ త‌న త‌దుప‌రి చిత్రాన్ని ప్ర‌క‌టించారు. మిల్కీబ్యూటీగా అనేక ప్రేక్ష‌కుల్ని సంపాదించుకున్న త‌మ‌న్నాతో బ‌బ్లీ బౌన్సర్ అనే బాక్సింగ్ నేప‌థ్యం ఉన్న చిత్రాన్ని ముధ‌ర్ భండార్క‌ర్ తెర‌కెక్కిస్తున్నారు. ఫాక్స్ స్టార్ స్టూడియోస్, జంగ్లీ పిక్చ‌ర్స్ సంయుక్తంగా తెర‌కెక్కిస్తున్న ఈ సినిమాకి సంబంధించిన షూటింగ్ ఈ రోజు  పూజా కార్య‌క్ర‌మాల‌తో మొద‌లైంది. 

ఈ సంద‌ర్భంగా చిత్ర ద‌ర్శ‌కుడు మ‌ధుర్ భండార్క‌ర్ మాట్లాడుతూ గ‌తంలో తాను తెర‌కెక్కించిన సినిమాల‌కు భిన్నంగా బ‌బ్లీ బౌన్స‌ర్ ఉండ‌నుంద‌ని తెలిపారు. బాక్స‌ర్స్ టౌన్ గా పేరుగాంచిన అసోలా ఫ‌తైపూర్ బ్యాక్ డ్రాప్ లో బాక్సింగ్ నేప‌థ్యంలో ఈ సినిమాను రూపొందిస్తున్న‌ట్లుగా తెలిపారు. మిల్కీబ్యూటీ త‌మ‌న్నా ఈ సినిమాలో ఓ మ‌హిళ బౌన్స‌ర్ గా న‌టిస్తున్నార‌ని చెప్పారు. భార‌త‌దేశంలో తొలిసారిగా ఓ మ‌హిళ బౌన్స‌ర్ క‌థ ఆధారంగా వ‌స్తున్న సినిమా ఇదన్నారు. ఈ చిత్రానికి సంబంధించిన మ‌రిన్ని వివ‌రాలు త్వ‌ర‌లోనే అధికారికంగా ప్ర‌క‌టిస్తామ‌ని మధుర్ పేర్కొన్నారు. 

అనంతరం హీరోయిన్  త‌మ‌న్నా మ‌ట్లాడుతూ త‌న కెరీర్ లో తొలిసారిగా ఓ బౌన్సర్ పాత్ర‌లో క‌నిపించ‌డం చాలా ఆనందంగా అనిపిస్తోంది, ఓ ఛాలెంజ్ గా తీసుకొని ఈ సినిమాలో న‌టించ‌డానికి అంగీక‌రించాను. మ‌ధుర్ ద‌ర్శ‌క‌త్వంలో తొలిసారిగా న‌టించ‌డం చాలా ఉత్కంఠగా ఉంది. ఈ సినిమాతో న‌న్ను ప్రేక్షకులు మ‌రింతగా ఆద‌రిస్తార‌ని అశిస్తున్న‌ట్లుగా తెలిపారు. 

కాగా ఈ మూవీకి మధుర్ భండాస్కర్ దర్శకత్వం వహిస్తుండగా.. కథ, స్క్రీన్ ప్లే ను అమిత్ జోషి, ఆరాధన, మధుర్ కూడా బాధ్యత వహించనున్నారు. ఈ ఏడాది చివరిలో ఈ మూవీని ప్రేక్షకుల ముందుకు తీసుకు రానున్నారు. ‘తెలుగు, తమిళం, హిందీ భాషల్లో ఈ చిత్రాన్ని రిలీజ్ చేయనున్నారు. డ్యాన్సర్ గా పలు సినిమాల్లో తన ప్రతిభ చూపించిన తమన్నా.. మొదటి సారి బ్యాక్సర్ గా ప్రేక్షకులను అలరించనుంది. బాలీవుడ్ స్టార్ హీరో అజయ్ దేవగన్ ( Ajay Devagan) నటించిన హిమ్మత్ వాలా మూవీతో బాలీవుడ్ కు ఎంట్రీ  ఇచ్చింది తమన్నా. ఈ ఏడాది తమన్నా నటించిన ‘ఎఫ్ 3’,‘గుర్తుందా శీతాకాలం’, ‘బబ్లీ బౌన్సర్’, ‘గని’ మూవీలు రిలీజ్ అయ్యి ప్రేక్షకులను అలరించనున్నాయి.