ఎన్టీఆర్ హోస్ట్ `ఎవరు మీలో కోటీశ్వరులు` ప్రోమో.. గుండె బరువెక్కిపోతుంది..
సారాంశం
ఎన్టీఆర్ హోస్ట్ గా ప్రసారమయ్యే ఈ రియాలిటీ షో ప్రోమో వచ్చేసింది. ఫ్రెండ్షిప్ డే కానుకగా ఆదివారం విడుదల చేశారు. ఎన్టీఆర్ హోస్ట్ ఈ షోలో ప్రోమో ఆద్యంతం ఆకట్టుకోవడంతోపాటు ఆలోచింప చేస్తుంది.
గత కొన్ని నెలలుగా ఊరిస్తున్న `ఎవరు మీలో కోటీశ్వరులు` అప్డేట్ వచ్చేసింది. ఎన్టీఆర్ హోస్ట్ గా ప్రసారమయ్యే ఈ రియాలిటీ షో ప్రోమో వచ్చేసింది. ఫ్రెండ్షిప్ డే కానుకగా ఆదివారం విడుదల చేశారు. ఎన్టీఆర్ హోస్ట్ ఈ షోలో ప్రోమో ఆద్యంతం ఆకట్టుకోవడంతోపాటు ఆలోచింప చేస్తుంది. స్ఫూర్తివంతంగా నిలుస్తుంది. ఎడ్యూకేట్ చేసేలా ఉంది. జస్ట్ ప్రోమోనే ఈ రేంజ్లో ఆకట్టుకుంటే ఇక షో ఎలా ఉండబోతుందో అర్థం చేసుకోవచ్చు.
చదువుల విలువని, కరోనా కష్టకాలంలో ప్రజల కష్టాలను ప్రతిబింబించేలా ఉందీ ప్రోమో. ఓ టీచర్ 25లక్షలు గెలుచుకున్నాక అతను తన స్టూడెంట్కి సహాయం చేయాలనుకోవడం గుండె బరువెక్కేలా చేస్తుంది. ఫైనల్గా ఇక్కడ మనీతో పాటు మనసులు కూడా గెలుచుకోవచ్చు.ఇక్కడ కథ మీది, కల మీది ఆట నాది. రండీ ఎవరు మీలో కోటీశ్వరుడు` అని ఎన్టీఆర్ చెప్పడం గూస్బమ్స్ తెప్పిస్తుంది. త్వరలో ఈ షో ప్రసారం కానుందని తెలిపింది. జెమినీ టీవీలో ఈ షో ప్రసారం కానున్న విషయం తెలిసిందే. ఎప్పుడో ప్రసారం కావాల్సిన ఈ షో కరోనా వల్ల వాయిదా పడుతూ వస్తోంది. ఎట్టకేలకు ఈ నెలలోనే ప్రారంభం కాబోతుంది.