నిఖిల్ ‘స్పై’ రిలీజ్ డేట్ ఫిక్స్.. సుభాష్ చంద్రబోస్ తో లోగో.. ఇంట్రెస్టింగ్ డిటేయిల్స్
By Asianet News | First Published May 6, 2023, 7:59 PM ISTయంగ్ హీరో నిఖిల్ నటిస్తున్న యాక్షన్ థ్రిల్లర్ ఫిల్మ్ ‘స్పై’. శరవేగంగా షూటింగ్ కొనసాగుతోంది. తాజాగా చిత్రం నుంచి టైటిల్ లోగో, రిలీజ్ డేట్ ను రిలీజ్ చేశారు. ఫస్ట్ లుక్ పైనా అప్డేట్ అందించారు.
యువ హీరో నిఖిల్ సిద్ధార్థ (Nikhil Siddhartha) రొటీన్ కు భిన్నంగా సినిమాలు చేస్తున్నారు. విభిన్న కథలను ఎంచుకుంటూ వస్తున్నారు. ఒక సినిమాకు మరో సినిమాకు ఏమాత్రం దగ్గరపోలికలు కూడా లేకుండా సినిమాలు చేస్తున్నారు. ‘కార్తికేయ 2’తో నిఖిల్ జాతీయ స్థాయిలో ప్రశంసలు అందుకున్న విషయం తెలిసిందే. ఆ తర్వాత వచ్చిన ‘18 పేజెస్’ కూడా ఆకట్టుకుంటుంది. ప్రస్తుతం మరో క్రేజీ ప్రాజెక్ట్ తో ప్రేక్షకుల ముందుకు రాబోతున్నారు.
నిఖిల్ లేటెస్ట్ గా నటిస్తున్న యాక్షన్ థ్రిల్లర్ ఫిల్మ్ Spy. గతంలోనే ఈ ప్రాజెక్ట్ ను ప్రకటించి రెగ్యూలర్ షూట్ ప్రారంభించారు. ప్రస్తుతం చిత్రీకరణ చివరి దశకు చేరుకుంది. ఈ సందర్భంగా యూనిట్ సినిమాపై ఆసక్తిపెంచేలా అప్డేట్స్ వదులుతున్నారు. తాజాగా టైటిల్ లోగో, రిలీజ్ డేట్ ను కూడా అనౌన్స్ చేస్తూ మోషన్ పోస్టర్ ను విడుదల చేశారు. నెట్టింట వైరల్ గా మారుతున్న లోగో సినిమాపై హైప్ ను క్రియేట్ చేస్తోంది.
Latest Videos
undefined
‘స్పై’లోగో చాలా ఇంట్రెస్టింగా ఉంది. స్వాతంత్ర్య సమరయోధుడు సుభాస్ చంద్రబోస్ ముఖంతో లోగోను డిజైన్ చేశారు. ఆయనకు సంబంధించిన మరియు భారతదేశం అత్యంత రహస్యంగా ఉంచిన విషయాన్ని చెప్పబోతున్నారని తెలుస్తోంది. భారత్ కు సంబంధించిన రహస్యాలను కూడా చిత్రం ద్వారా రివీల్ చేయబోతున్నట్టు తెలుస్తోంది. దీంతో ప్రేక్షకుల్లో విపరీతమైన ఉత్కంఠ నెలకొంది. మొదటి నుండే ఈ చిత్రంపై ఆడియెన్స్ కు ఆసక్తిని పెంచుతూ వచ్చారు. అలాగే ఫస్ట్ లుక్ టీజర్ ను మే 12న విడుదల చేయబోతున్నారు.
ఈ చిత్రంలో నిఖిల్ ప్రధాన పాత్ర పోషిస్తుండగా.. ఐశ్వర్య మీనన్ హీరోయిన్ గా అలరించబోతోంది. ప్రముఖ ఎడిటర్ గ్యారీ బిహెచ్ దర్శకత్వం వహించారు. ఆర్యన్ రాజేష్ కీలక పాత్రలో కనిపించబోతున్నారు. ఎడ్ ఎంటర్ టైన్ మెంట్స్ బ్యానర్ పై కే రాజశేఖర్ రెడ్డి భారీ స్థాయిలో నిర్మిస్తున్నారు. అంతేకాకుండా కథ కూడా అందించారు. ఈ చిత్రాన్ని జూన్ 29న విడుదల చేయబోతున్నట్టు అధికారికంగా ప్రకటించారు. ఇప్పటికే చిత్రం ఓటీటీ హక్కులను అమెజాన్, స్టార్ నెట్ వర్క్ సంస్థలు రూ.40 కోట్లతో దక్కించుకున్నట్టు తెలుస్తోంది.
It will be BIG! EXPLOSIVE & EPIC! 🔥 💥 Get ready for an action adventure on a world of secrets.
Join us on a mission to unravel India's best kept secret the Great Subhash Chandra Bose 🙏🏽
A Stunning subject which I Truly believe in
Logo & Release date Announcement 👉🏻… pic.twitter.com/YGBIIoV390
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి