NBK107 Title: బాలయ్య ఫ్యాన్స్ కి గుడ్ న్యూస్.. టైటిల్ అనౌన్స్ మెంట్ డేట్ ఫిక్స్
సారాంశం
బాలకృష్ణ నటిస్తున్న `ఎన్బీకే 107` సినిమా టైటిల్ విషయంలో నెలకొన్న సస్పెన్స్ కి తెరదించబోతుంది యూనిట్. టైటిల్ అనౌన్స్ మెంట్ కి డేట్ని ఫిక్స్ చేసింది.
`అఖండ` వంటి బ్లాక్ బస్టర్ తర్వాత బాలకృష్ణ హీరోగా `ఎన్బీకే107` పేరుతో ఓ చిత్రం రూపొందుతుంది. గోపీచంద్ మలినేని దర్శకత్వంలో తెరకెక్కుతున్న చిత్రమిది. మైత్రీ మూవీ మేకర్స్ బ్యానర్పై నిర్మిస్తున్నారు. శృతి హాసన్ హీరోయిన్గా నటిస్తుంది. ఈ సినిమా చిత్రీకరణ చివరి దశకు చేరుకుంది. ఇప్పటి వరకు టైటిల్ ప్రకటించలేదు. టైటిల్ ఎప్పుడెప్పుడు అని నందమూరి అభిమానులు వెయిట్ చేస్తున్నారు.
చాలా రోజులుగా ఈ సినిమా టైటిల్ వార్తలు ఊరిస్తున్నాయి. ఆ టైటిల్, ఈ టైటిల్ అంటూ సోషల్ మీడియాలో వైరల్ అవుతున్నాయి. ప్రస్తుతం ప్రధానంగా `రెడ్డిగారు`, `వీర నరసింహారెడ్డి` పేర్లు ప్రధానంగా చర్చలో ఉన్నాయి. మరి వీటిలో ఏ పేరుని ఖరారు చేస్తారనేది ఆసక్తికరంగా, సస్పెన్స్ గా మారింది. ఈ నేపథ్యంలో అభిమానులకు గుడ్ న్యూస్ చెప్పింది యూనిట్. టైటిల్ అనౌన్స్ మెంట్ డేట్ని ప్రకటించింది.
దీపావళి పండగని ముందుగానే తీసుకురావాలని నిర్ణయించుకుంది. ఈ నెల(అక్టోబర్) 21న టైటిల్ని ప్రకటించబోతున్నట్టు యూనిట్ తాజాగా వెల్లడించింది. టైటిల్ అదిరిపోయేలా ఉంటుందని తెలిపింది. ప్రస్తుతం ఈ సినిమా షూటింగ్ రామోజీ ఫిల్మ్ సిటీలో జరుగుతుందట. ఈ సినిమాకి సంబంధించిన చాలా టైటిల్స్ హల్ చల్ చేస్తున్న నేపథ్యంలో అసలు టైటిల్ ఏంటో ఈ నెల 21న వెల్లడిస్తామని తెలిపింది యూనిట్.
ఇందులో దునియా విజయ్, వరలక్ష్మి శరత్ కుమార్ కీలక పాత్రలు పోషిస్తున్నారు. బాలయ్య, గోపీచంద్ మలినేని కాంబినేషన్లో వస్తోన్న తొలి చిత్రమిది. ఈ సినిమాని గోపీచంద్ అద్భుతంగా మలిచారని, అభిమానుల అంచనాలను మించి ఉంటుందని తెలుస్తుంది. ఈ సినిమాకి థమన్ సంగీతం అందిస్తున్నారు. రిషి పంజాబీ సినిమాటోగ్రాఫర్గా వర్క్ చేస్తున్నారు. ఇప్పటికే విడుదలైన ఫస్ట్ లుక్, టీజర్ లకు మంచి స్పందన లభించింది. ఇక సినిమాని డిసెంబర్లో విడుదల చేయబోతున్నట్టు సమాచారం.