లవ్ స్టోరీతో వివాదాలు.. ఇకపై అన్నీ అబద్ధాలే అంటోన్న హీరో!

'An ordinary life'అనే పేరుతో గతేడాది తన ఆత్మకథను రాసుకున్నాడు హీరో నవజుద్దీన్ సిద్దిఖి. బాలీవుడ్ లో విలక్షణ నటుడిగా పేరు సంపాదించుకున్న ఈ నటుడు చిన్న పట్టాలన నుండి వచ్చేవారికి ప్రేరణగా నిలవాలనే ఉద్దేశంతో తన లైఫ్ స్టోరీని పుస్తక రూపంలో ఆవిష్కరించాడు.

మొత్తం 209పేజీలు  గల ఈ పుస్తకంలో 5 పేజీలు తన మాజీ ప్రియురాళ్లు నిహారిక సింగ్, సునీత రాజవర్ లతో సాగించిన లవ్ స్టోరీల గురించి చెప్పాడు. అయితే ఈ విషయంపై సదరు ఇద్దరు అమ్మాయిలు స్పందించి తమ గురించి పుస్తకంలో తప్పుగా రాశాడని ఆయన క్షమాపణలు చెప్పాలని డిమాండ్ చేయడంతో ఈ పుస్తకాన్ని రద్దు చేస్తున్నట్లు గతేడాది అక్టోబర్ లో ప్రకటించారు.

ఈ వివాదం జరిగి సరిగ్గా ఏడాది కాలం పూర్తవుతున్న సందర్భంగా నవాజుద్ధీన్ మీడియాకి ఇచ్చిన ఇంటర్వ్యూలో.. ''పుస్తకంలో 209 పేజీలు ఉన్నాయి. కేవలం 5 పేజీల కారణంగా నా ప్రయత్నాన్ని వృధా చేస్తారా..? నా ప్రేమకథను బయటపెట్టినందుకు వివాదం చెలరేగుతుందని ఊహించలేదు.

నిజాలు చెప్పాలని మాత్రమే అనుకున్నానని'' అన్నారు. ఇకపై తన జీవిత చరిత్రతో పుస్తకాలు రాస్తే అందులో అబద్ధాలే ఉంటాయని వెల్లడించారు.