Bangarraju First Single promo: లడ్డుందా అంటోన్న నాగార్జున.. సోగ్గాడి సందడి షురూ

నాగార్జున, నాగచైతన్య కలిసి నటిస్తున్న `బంగార్రాజు` చిత్రం సందడి ప్రారంభమైంది. ఈ సినిమా నుంచి తొలి పాట రాబోతుంది. తాజాగా ఈ చిత్రానికి సంబంధించిన మొదటిపాట ప్రోమోని విడుదల చేశారు.

కింగ్‌ నాగార్జున(Nagarjuna) సందడి ప్రారంభమవుతుంది. `బంగార్రాజు`(Bangarraju)గా ఆయన సందడి చేయబోతున్నారు. ప్రస్తుతం నాగార్జున `బంగార్రాజు` చిత్రంలో నటిస్తున్న విషయం తెలిసిందే. గతంలో వచ్చిన సూపర్‌ హిట్‌ `సోగ్గాడే చిన్ని నాయనా` చిత్రానికి సీక్వెల్‌గా రూపొందుతున్న చిత్రమిది. తొలి చిత్రం దర్శకుడు కల్యాణ్‌ కృష్ణ దర్శకత్వంలో రూపొందిన చిత్రిమది. Nagarjuna నిర్మిస్తున్నారు. ఇందులో నాగచైతన్య(Naga Chaitanya) మరో హీరోగా నటిస్తున్నారు. ఆయనకు జోడిగా కృతి శెట్టి (Krithi Shetty) కథానాయికగా నటిస్తుంది. 

ఇప్పటికే విడుదలైన ఈ చిత్ర ఫస్ట్ లుక్ లు ఆకట్టుకున్నాయి. మంచి ఆదరణ పొందాయి. దీపావళి కానుకగా విడుదల చేసిన Bangarraju విషెస్‌ వీడియో సైతం వైరల్‌ అయ్యింది. ఇప్పుడు ఈ చిత్రం నుంచి మరో గిఫ్ట్ ఇవ్వబోతుంది యూనిట్‌. ఈ చిత్రంలోని ఫస్ట్ సాంగ్‌ని విడుదల చేయబోతున్నారు. ఈ నేపథ్యంలో తాజాగా ఫస్ట్ సాంగ్‌ ప్రోమోని విడుదల చేశారు. `లడ్డుందా`.. `అంటూ సాగే పాట ప్రోమో ఇప్పుడు ఫన్నీగా ఉంటూ ఆకట్టుకుంటుంది. ట్రెండ్‌ అవుతుంది. దీనికి సంబంధించిన పూర్తి పాటని ఈ నెల 9న(మంగళవారం) విడుదల చేయబోతున్నట్టు తెలిపారు. ఉదయం 9.09గంటలకు రిలీజ్‌ చేయనున్నారు. 

ఈ మేరకు తాజాగా విడుదల చేసిన పోస్టర్లో సోగ్గాడు పాత్రలో నాగార్జున ఆకట్టుకుంటున్నాడు. అంతేకాదు ఇందులో `బంగార్రాజు గారు నేర్పిత్తారు కదా` అనే డైలాగ్‌ కూడా ఆసక్తి రేపుతుంది. మరింత యంగ్‌గా కనిపిస్తున్నాడు. అయితే ఆయనకు జోడీగా కనిపించబోతున్న ఆ నటి ఎవరనేది సస్పెన్స్ గా ఉంది. నాగార్జున ప్రస్తుతం ఈ సినిమాతోపాటు `ఘోస్ట్` అనే మరో సినిమాలో నటిస్తున్నారు. యాక్షన్‌ సస్పెన్స్ థ్రిల్లర్‌గా రూపొందుతున్న చిత్రమిది. ప్రవీణ్‌ సత్తార్‌ దర్శకుడు. ఇందులో కాజల్‌ కథానాయికగా నటిస్తుంది. ఈ సినిమా సైతం శరవేగంగా చిత్రీకరణ జరుపుకుంటోంది. 

దీంతోపాటు నాగార్జున `బిగ్‌బాస్‌5`కి హోస్ట్ గా చేస్తున్న విషయం తెలిసిందే. ఐదో సీజన్‌కి ఆయన వ్యాఖ్యాతగా వ్యవహరిస్తున్నారు. ప్రతి వారం శని, ఆదివారాల్లో బుల్లితెరపై సందడి చేస్తున్నారు. నిత్యం ఆడియెన్స్ ని అలరిస్తున్నారు. నాగార్జున నటించిన `సోగ్గాడే చిన్న నాయన` చిత్రం 2016 సంక్రాంతికి విడుదలై భారీ విజయాన్ని సాధించింది. నాగార్జున కెరీర్‌లోనే అత్యధిక కలెక్షన్లు రాబట్టిన చిత్రంగా నిలిచింది. మరోవైపు నాగ్‌ చివరగా `వైల్డ్ డాగ్‌` చిత్రంలో నటించారు. ఈ సినిమా థియేటర్లో విడుదలై నెగటివ్‌ టాక్‌ని తెచ్చుకుంది. కానీ ఓటీటీలో రిలీజ్‌ అయి మంచి విజయాన్ని సాధించడం విశేషం.