నక్కతోక తొక్కిన నభా నటేష్.. ఏకంగా హృతిక్ రోషన్ సరసన ?
సారాంశం
నభా నటేష్ లక్కీ ఛాన్స్ కొట్టింది. బాలీవుడ్ ఎంట్రీకి రంగం సిద్దం చేసుకుంటుంది. ఏకంగా హృతిక్ రోషన్తో కలిసి నటించబోతుంది. ఈ న్యూస్ ఇప్పుడు హాట్ టాపిక్గా మారింది.
`ఇస్మార్ట్ శంకర్` భామ నభా నటేష్ నక్క తోక తొక్కిందట. ఏకంగా బాలీవుడ్ ఆఫర్ని అందుకుంది. అది కూడా స్టార్ హీరో హృతిక్తో కలిసి నటించే ఛాన్స్ ని అందుకుంది. హృతిక్ రోషన్ సరసన ఓ వెబ్సిరీస్లో నటించబోతుంది నభా. `ది నైట్ మేనేజర్` అనే బ్రిటీష్ టీవీ సిరీస్ ఆధారంగా హిందీలో ఓ వెబ్ సిరీస్ని రూపొందించేందుకు ప్లాన్ చేస్తున్నారు. ఇందులో ఫీమేల్ లీడ్ కోసం నభాని సంప్రదించగా, దాదాపు ఆమె ఓకే చెప్పిందని సమాచారం.
అయితే దీనికి సంబంధించిన అధికారిక ప్రకటన రావాల్సి ఉంది. అదే సమయంలో దర్శకుడెవరు ? మిగిలిన కాస్ట్ అండ్ క్రూ డిటేయిల్స్ త్వరలోనే వెల్లడి కానున్నాయట. అదే నిజమైతే నభా నటేష్ నక్కతోక తొక్కిందనే చెప్పొచ్చు. అదే సమయంలో బాలీవుడ్ ఎంట్రీ ఓ స్టార్ హీరోతో కావడం విశేషంగా చెప్పుకోవచ్చు. అయితే వెబ్ సిరీస్లు చేయడం ఇటు నభాకి, అటు హృతిక్కిదే ఫస్ట్ కావడం విశేషం. ప్రస్తుతం నభా నటేష్ నితిన్తో `మ్యాస్ట్రో` చిత్రంలో నటిస్తుంది. ఇది బాలీవుడ్ సూపర్ హిట్ `అంధాధున్` రీమేక్. మరోవైపు హృతిక్ రోషన్ ప్రస్తుతం `ఫైటర్` చిత్రంలో నటిస్తున్నారు. దీపికా పదుకొనె హీరోయిన్. సిద్ధార్థ్ ఆనంద్ దర్శకత్వం వహిస్తున్నారు.