నాలుగోసారి మాస్ కాంబో.. రవితేజ - గోపీచంద్ మలినేని సినిమా ప్రకటన.. అఫీషియల్ డిటేయిల్స్
By Asianet News | First Published Jul 9, 2023, 12:34 PM ISTఇప్పటికే హ్యాట్రిక్ పూర్తి చేసుకున్న రవితేజ - గోపీచంద్ మలినేని కాంబోలో నాలుగో సినిమా రాబోతోంది. తాజాగా మేకర్స్ చిత్రాన్ని అధికారికంగా ప్రకటించారు. డిటేయిల్స్ ఇంట్రెస్టింగ్ గా ఉన్నాయి.
మాస్ మహారాజా, టాలీవుడ్ సీనియర్ హీరో రవితేజ (Ravi Teja) వరుస చిత్రాలతో ప్రేక్షకుల ముందుకు వస్తున్న విషయం తెలిసిందే. ఇక సెకండ్ ఇన్నింగ్స్ లో మాత్రం యంగ్ హీరోలకు పోటీగా సినిమాలు చేస్తున్నారు. సరికొత్త మాస్ ను ప్రేక్షకులకు పరిచయం చేస్తూ అలరిస్తున్నారు. బ్యాక్ టు బ్యాక్ సినిమాలతో థియేటర్లలో సందడి చేస్తున్నారు. గతేడాది ఏకంగా మూడు చిత్రాలతో ప్రేక్షకుల ముందుకు వచ్చారు. ఈ ఏడాది ‘వాల్తేరు వీరయ్య’, ‘రావణసుర’తో అలరించారు. మరో మూడు చిత్రాలు లైనప్ లో ఉన్నాయి.
ఇక తాజాగా మరో ఇంట్రెస్టింగ్ ప్రాజెక్ట్ ను అనౌన్స్ చేశారు. మాస్ డైరెక్టర్ గోపీచంద్ మలినేని (Gopichand Malineni) తో నాలుగోసారి సినిమా చేయబోతున్నారు. ఇప్పటికే వీరి కాంబోలో మూడు సినిమాలు ‘డాన్ శ్రీను’, ‘బలుపు’, ‘క్రాక్’ చిత్రాలు వచ్చి సక్సెస్ ను అందుకున్న విషయం తెలిసిందే. దీంతో మెస్ట్ సక్సెస్ ఫుల్ కాంబినేషన్ గా మారిపోయారు. ఇక మరోసారి వీరిద్దరి కాంబోలో క్రేజీ ప్రాజెక్ట్ రూపుదిద్దుకోనుండటం విశేషం. తాజాగా చిత్రానికి సంబంధించిన అఫీషియల్ అనౌన్స్ మెంట్ అందింది.
Latest Videos
undefined
భారీ బడ్జెట్ చిత్రాలను నిర్మిస్తూ విజయపథంలో దూసుకుపోతున్న మైత్రీ మూవీ మేకర్స్ బ్యానర్ పై రవితేజ - గోపీచంద్ సినిమా రూపుదిద్దుకోనుంది. ఇదే బ్యానర్ లో గోపీచంద్ చివరిగా బాలయ్యతో ‘వీరసింహారెడ్డి’ చిత్రాన్ని తెరకెక్కించిన విషయం తెలిసిందే. బాక్సాఫీస్ వద్ద మంచి కలెక్షన్లు రాబట్టింది. దీంతో మళ్లీ అదే బ్యానర్ లో గోపీచంద్ - రవితేజ సినిమా వస్తోంది. ఇక ఏట్టకేళలకు చిత్రాన్ని అధికారికంగా ప్రకటించారు. సినిమా కథ కొన్ని రియల్ ఇన్సిడెంట్స్ ఆధారంగా తెరకెక్కబోతుందని కూడా తెలిపారు.
మైత్రీ మూవీ మేకర్స్ బ్యానర్ పై నవీన్ యెర్నెనీ, వై రవి శంకర్ నిర్మిస్తున్నారు. సెన్సేషనల్ మ్యూజిక్ డైరెక్టర్ థమన్ సంగీతం అందిస్తున్నారు. భారీ బడ్జెట్ తో సినిమాను రూపొందిస్తున్నట్టు తెలిపారు. ఇక రవితేజను మునుపెన్నడూ చూపించని క్యారెక్టర్ లో ప్రజెంట్ చేయబుతున్నామని హామీనిచ్చారు. సినిమాకు సంబంధించిన మరిన్ని వివరాలను త్వరలో వెల్లడించనున్నారు. అయితే ఈ చిత్రాన్ని అనౌన్స్ చేస్తూ ఇంట్రెస్టింగ్ పోస్టర్ ను కూడా వదిలారు. గ్రామీణ ప్రాంతంలో భయానక పరిస్థితిని చూపించారు. ఇళ్లకు నిప్పుపెట్టడం, డేంజర్ బోర్డ్స్ ను చూపించడం గమనించవచ్చు.. దీంతో సినిమాపై మరింత ఆసక్తి నెలకొంది.
ఇక రవితేజ ప్రస్తుతం ‘టైగర్ నాగేశ్వర రావు’, ‘ఈగల్’ చిత్రాలతో బిజీగా ఉన్నారు. నెక్ట్స్ ’టైగర్ నాగేశ్వర రావు’ రిలీజ్ కానుంది. అలాగే హరీశ్ శంకర్ కాంబినేషన్ లోనూ రవితేజ సినిమా చేయబోతున్నారు. ఇలా వరుస లైనప్ తో మాస్ రాజా దుమ్ములేపుతున్నారు. దీంతో ఫ్యాన్స్ ఫుల్ ఖుషీ అవుతున్నారు.
After a hat-trick of Blockbusters, the MASSIEST COMBO of MASS MAHARAJA and director is back again 🔥🔥🔥
Here's the Motion Poster of ❤🔥❤🔥
- https://t.co/28TOnFWlBO
A Musical 💥 pic.twitter.com/UJqjxp8s2x
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి