రీ రిలీజ్ కు రెడీ అవుతున్న రవితేజ వెంకీ సినిమా, గెడ్ రెడీ మాస్ మహారాజ్ ఫ్యాన్స్..

ఈ మధ్య రీరిలీజ్ ల ట్రెండ్ గట్టిగా నడుస్తోంది. స్టార్ హీరోల ఎవర్ గ్రీన్ సినిమాలను రీ రిలీజ్ చేస్తూ.. ఫ్యాన్స్ ను దిల్ ఖుష్ చేస్తున్నారు మేకర్స్. తమ అభిమాన స్టార్ హీరో సినిమాలను థియేటర్లలో చూసుకుని మురిసిపోతున్నారు అభిమానులు. తాజాగా మాస్ మహారాజ్ ఫ్యాన్స్ కోసం రవితేజ సినిమా ఒకటి రీరిలీజ్ కు రెడీ అవుతోంది. 

మాస్ మహారాజ్ రవితేజ్ కెరీర్ లో ఎన్నో సినిమాలు ఆయన ఫ్యాన్స్ తో పాటు.. ఆడియన్స్ అందరిని అలరించాయి. అందులో కొన్ని సినిమాలు కామెడీ తో పాటు.. హీరోయిజాన్ని కూడా అద్భఉతంగా చూపిస్తూ.. మాస్ ఫ్యాన్స్ కు పండగ చేశాయి. అటువంటి సినిమాల్లో వెంకీ కూడా ఒకటి. రవితేజ ను నీకోసం సినిమా తో హీరోగా నిలబెట్టిన దర్శకుడు శ్రీను వైట్లతో చేసిన ఔట్ అండ్ ఔట్ కామెడీ ఎంటర్టైనర్ ఇది. టీవీల్లో ఎన్ని సార్లు చూసినా.. యూట్యూబ్ లో వందలాది సార్లు చూసినా తనివి తీరని మూవీ ఇదని చెప్పవచ్చు. 2004 లో సమ్మర్ కానుకగా రిలీజ్ అయిన ఈ మూవీ మొదట యావరేజ్ టాక్ తో మొదలై.. ఆ తర్వాత హౌస్ ఫుల్ కలెక్షన్స్ తో బాక్సాఫీస్ వద్ద సూపర్ హిట్ గా నిలిచింది.

ఈసినిమాలో అవుట్ అండ్ అవుట్ కామెండీ తో పాటు..మర్డర్ మిస్టరీతో సినిమా ఆసాంతం ఆహ్లాదకరంగా ఉంటుంది. అటువంటి సినిమాను థియేటర్లో చూడలేకపోయామా అని బాధపడుతున్న అభిమానులను అలరించడానికి ఈ మూవీ మరోసారి థియేటర్లలో సందడి చేయబోతోంది. ఇక ఇప్పుడు రీ రిలీజ్ ల హవా నడుస్తున్న సమయంలో వెంకీ కూడా రీ రిలీజ్ చేయాలి అని నిర్ణయించారట మూవీ టీమ్.  కాకపోతే డిసెంబర్ 30 న న్యూ ఇయర్ కానుకగా రీ రిలీజ్ అవుతుందట.

వెంకీ సినమా రిలీజ్ అయిన టైమ్ లోనే.. అల్లు అర్జున్ ఆర్య కూడా రిలీజ్ అయ్యింది. ఈ సినిమా వచ్చే వరకు వెంకీ హవా గట్టిగా నడిచింది. ఈ సినిమా ఫస్ట్ హాఫ్ చాలా వరకు ట్రైన్లోనే ఉంటుంది. ఈ క్రమంలో వచ్చే కామెడీ సీన్స్.. అందరినీ నవ్వించడమే కాకుండా విజిల్స్ కూడా వేయిస్తాయి. ఇక సెకండ్ హాఫ్ పోలీస్ హెడ్ కోటర్స్ లో వచ్చే థ్రిల్లింగ్ ఎపిసోడ్స్ కూడా ఆకట్టుకుంటాయి. ఎక్కడా కూడా బోర్ కొట్టకుండా అద్భుతమైన స్క్క్రీన్ ప్లే రాశారు శ్రీను వైట్ల. ఆర్య సినిమా పోటీగా ఉన్నప్పటికీ కూడా 79 కేంద్రాల్లో 50 రోజులు, 28 కేంద్రాల్లో 100 రోజులు ఆడి వెంకీ సినిమా బ్లాక్ బస్టర్ అనిపించుకుంది.