త్రివిక్రమ్ - మహేశ్ బాబు కాంబోలో రూపుదిద్దుకుంటున్న చిత్రం SSMB28. ఈ చిత్రం నుంచి వరుసగా అప్డేట్స్ అందుతున్నాయి. తాజాగా మేకర్స్ అదిరిపోయే పోస్టర్ ను రిలీజ్ చేస్తూ మరో ఇంట్రెస్టింగ్ న్యూస్ ను అందించారు.
సూపర్ స్టార్ మహేశ్ బాబు (Mahesh Babu) - త్రివిక్రమ్ శ్రీనివాస్ కాంబోలో రూపుదిద్దుకుంటున్న భారీ చిత్రం SSMB28. ప్రస్తతం ఇదే వర్క్ టైటిల్ తో షూటింగ్ కొనసాగుతోంది. స్టార్ హీరోయిన్ పూజా హెగ్దే (Pooja Hegde) హీరోయిన్ గా నటిస్తోంది. మరో హీరోయిన్ గా శ్రీలీలా (Sreeleela) మెరియనుంది. హారిక అండ్ హాసిని క్రియేషన్స్ బ్యానర్ పై చిత్రాన్ని గ్రాండ్ గా నిర్మిస్తున్నారు. అయితే ఈ చిత్రం గురించి అభిమానులతో పాటు ప్రేక్షకులు ఎంతగానో ఎదురుచూస్తున్న విషయం తెలిసిందే. పైగా పదేళ్ల తర్వాత త్రివిక్రమ్ మహేశ్ కాంబినేషన్ సెట్ అవ్వడంతో అంచనాలు తారా స్థాయిలో ఉన్నాయి.
మరోవైపు నిర్మాత నాగవంశీ కూడా ఎప్పటికప్పుడు తన అప్డేట్లతో సినిమాపై అంచనాలు పెంచుతున్నారు. అయితే ఇప్పటికే చిత్ర టైటిల్, పవర్ గ్లింప్స్ రాబోతుందని మేకర్స్ ప్రకటించిన విషయం తెలిసిందే. దివంగత, సూపర్ స్టార్ కృష్ణ జయంతి సందర్భంగా మే31న ఈ అప్డేట్ రానుంది. ఈ సందర్భంగా కమింగ్ అప్డేట్ పై బ్యాక్ టు బ్యాక్ పోస్టర్లు రిలీజ్ చేస్తూ హైప్ క్రియేట్ చేస్తున్నారు. తాజాగా మహేశ్ బాబు ఊరమాస్ లుక్ లోని పోస్టర్ ను రిలీజ్ చేశారు. గుంటూరు మిర్చిలా సూపర్ స్టార్ దూకుడు మీద కనిపిస్తున్నారు. నెత్తికి కర్చీఫ్ కట్టుకొని, అదిరిపోయే పోజులో అదరగొట్టారు. ప్రస్తుతం ఈ పోస్టర్ నెట్టింట వైరల్ గా మారింది.
ఇదిలా ఉంటే.. లేటెస్ట్ అప్డేట్ పై నిర్మాత నాగవంశీ ఇంట్రెస్టింగ్ గా ట్వీట్ చేశారు. ‘మా డార్లింగ్ డైరెక్టర్ త్రివిక్రమ్ గారూ మరియు మా సంచలన మ్యూజిక్ డైరెక్టర్ థమన్ కాంబినేషన్ లో మాస్ స్టైక్ తుఫానులా రాబోతోంది. ఈ విషయంలో ఎలాంటి సందేహాలున్న వదిలేయండి. సూపర్ స్టార్ మహేశ్ బాబు వింటేజ్ మాస్ తిరిగి రాబోతోంది.‘ అంటూ ట్వీట్ లో పేర్కొన్నారు. మరో రెండ్రోజుల్లో ఈ అప్డేట్ అందనుంది. దీంతో మహేశ్ బాబు ఫ్యాన్స్ ఫుల్ ఖుషీ అవుతున్నారు. ఇక ఈ చిత్రం 2024 జనవరి 13న ప్రపంచ వ్యాప్తంగా విడుదల కానుంది.
Leave all your doubts in the back seat as our Darling Director garu and our sensational combination is going to give a Thunderous Mass Strike with ! 🤩🤩
Our SuperStar garu Vintage Mass 🔥🔥 https://t.co/C8yQboCfJF