Mahesh Babu: 'రాను రానంటూనే సిన్నదో' అంటూ మహేష్ బాబు చిందులు.. ఏం సింక్ అబ్బా ఇది, నితిన్ ఫిదా

యంగ్ హీరో నితిన్ నటిస్తున్న లేటెస్ట్ మూవీ 'మాచర్ల నియోజకవర్గం'. ఎడిటర్ శేఖర్ దర్శకత్వంలో కంప్లీట్ కమర్షియల్ ఎలిమెంట్స్ తో తెరకెక్కుతున్న చిత్రం ఇది. నితిన్ ఈ మూవీపై చాలానే హోప్స్ పెట్టుకుని ఉన్నాడు. నితిన్ చివరగా నటించిన చిత్రాలు ఆశించిన సక్సెస్ అందించలేకపోయాయి. 

మాచర్ల నియోజకవర్గంపై నితిన్ బోలెడు ఆశలే పెట్టుకుని ఉన్నాడు. ఆగష్టు 12న ఈ చిత్రం రిలీజ్ కి రెడీ అవుతుండడంతో నెమ్మదిగా ప్రచార కార్యక్రమాలు జోరందుకుంటున్నాయి. ఈ చిత్రంలో హీరోయిన్ అంజలి ఐటెం సాంగ్ లో పెర్ఫామ్ చేసిన సంగతి తెలిసిందే. 'రారా రెడ్డి' అంటూ సాగే ఐటెం సాంగ్ ని ఇటీవల విడుదల చేశారు. ఈ సాంగ్ లో నితిన్, అంజలి ఇద్దరూ ఊరమాస్ స్టెప్పులతో అదరగొడుతున్నారు. 

ఈ సాంగ్ చివర్లో నితిన్ 'జయం' చిత్రంలోని ఫేమస్ సాంగ్ రాను రానంటూనే చిన్నదో అనే లిరిక్స్ వినిపిస్తాయి. ఈ ఐటెం సాంగ్ లో ఆ లిరిక్స్ ని రీమిక్స్ చేశారు. ఈ సాంగ్ తో నెటిజన్లు ప్రయోగాలు చేస్తున్నారు. ఈ సాంగ్ కి సూపర్ స్టార్ మహేష్ బాబు డ్యాన్స్ చేస్తే ఎలా ఉంటుంది ? ఈ ప్రశ్న విచిత్రంగా ఉంది కదూ.. కానీ నెటిజన్లు దీనిని నిజం చేసి చూపించారు. 

సర్కారు వారి పాట చిత్రంలోని మ మ మహేషా సాంగ్ లో మహేష్ బాబు డ్యాన్స్ కి నితిన్ సాంగ్ ని పర్ఫెక్ట్ గా సింక్ చేశారు. నెటిజన్లు క్రియేట్ చేసిన ఈ వీడియో చూస్తుంటే నిజంగా మహేష్ బాబు 'రాను రాను అంటూనే చిన్నదో' సాంగ్ కి డ్యాన్స్ చేస్తున్నట్లే ఉంది. నితిన్ కూడా ఈ వీడియోకి ఫిదా అయ్యాడు. అదిరిపోయింది.. పర్ఫెక్ట్ సింక్ అంటూ ట్విట్టర్ లో కామెంట్స్ చేశాడు.