'మహర్షి' వాయిదా పక్కా.. మరి మహేష్ ఒప్పుకుంటాడా..?

సూపర్ స్టార్ మహేష్ బాబు నటిస్తోన్న 'మహర్షి' సినిమా ఏప్రిల్ లో విడుదలవుతుందని అన్నారు. కానీ ఇప్పుడు అనుకున్న సమయానికి వచ్చే అవకాశాలు లేవని సన్నిహిత వర్గాల సమాచారం. ఈ సినిమా మే 9న విడుదలయ్యే అవకాశం ఉంది. ఏప్రిల్ 25న సినిమా విడుదల కష్టమని చిత్రబృందం భావిస్తోంది.

సినిమా షూటింగ్ పనులు పూర్తవ్వడానికే ఏప్రిల్ 15 వరకు టైం పడుతుంది. అందుకే ఈ విషయంలో మహేష్ ని కన్విన్స్ చేయాలని చూస్తున్నారు. మహేష్ మాత్రం ఏప్రిల్ 25న సినిమా థియేటర్లలోకి రావాల్సిందేనని పట్టుబడుతున్నాడు.

ఆ కారణంగానే చిత్రబృందం సోషల్ మీడియాలో ఏప్రిల్ 25న రిలీజ్ అంటూ అనౌన్స్ చేశారు. కానీ ఇప్పుడు పరిస్థితుల బట్టి సినిమా అనుకున్న సమయానికి రాదనేది తేలిపోయింది. దీంతో ఈ విషయాన్ని మహేష్ కి చెప్పి ఆయన్ని కన్విన్స్ చేసే బాధ్యతని దిల్ రాజు తీసుకున్నారు.

మరి దీనికి మహేష్ ఒప్పుకుంటాడా..? లేదా..? అనేది సందేహమే. వంశీ పైడిపల్లి డైరెక్ట్ చేస్తోన్న ఈ సినిమాలో పూజా హెగ్డే హీరోయిన్ గా నటిస్తోంది.