రజినీకాంత్ కీలక పాత్రలో ‘లాల్ సలామ్’.. ఈరోజే రెగ్యులర్ షూటింగ్ ప్రారంభం.. డిటేయిల్స్!
By Asianet News | First Published Mar 7, 2023, 7:26 PM ISTసూపర్ స్టార్ రజినీకాంత్ కూతురు ఐశ్వర్య రజినీకాంత్ మరోసారి మెగాఫోన్ పట్టారు. ఆమె దర్శకత్వంలో వస్తున్న ‘లాల్ సలామ్’ చిత్రం రెగ్యులర్ షూటింగ్ ఈరోజు నుంచి ప్రారంభమైనట్టు యూనిట్ అధికారికంగా ప్రకటించింది.
సూపర్ స్టార్ రజినీకాంత్ (Rajinikanth) ఇప్పటికే భారీ చిత్రాల్లో నటిస్తున్నారు. ఓవైపు నెల్సన్ దర్శకత్వంలో ‘జైలర్’ చిత్రం తెరకెక్కుతోంది. మరోవైపు తన కూతురు ఐశ్వర్య రజినీకాంత్ (Aishwarya Rajinikanth) దర్శకత్వంలో తెరకెక్కుతున్న ‘లాల్ సలామ్’ (Lal Salaam) చిత్రంలోనూ ఓ కీలకపాత్రలో నటిస్తున్నారు. ఈ చిత్ర షూటింగ్ ఈరోజు ప్రారంభమైనట్టు చిత్ర యూనిట్ తాజాగా అధికారికంగా ప్రకటించింది.
రజినీకాంత్ కీలక పాత్రలో హీరోలు విష్ణు విశాల్, విక్రాంత్ ప్రధాన పాత్రల్లో నటిస్తుండగా.. ఐశ్వర్య రజినీకాంత్ దర్శకత్వంలో రూపుదిద్దుకుంటోంది ‘లాల్ సలామ్’ చిత్రం. లైకా ప్రొడక్షన్స్ చిత్రం ఆధ్వర్యంలో హోళీ సందర్భంగా రెగ్యులర్ షూటింగ్ ఈరోజు ప్రారంభమైనట్టు ప్రకటించారు. పాన్ ఇండియా ఆశ్చ‌ర్య‌పోయేలా భారీ బ‌డ్జెట్ విజువ‌ల్ వండ‌ర్స్ చిత్రాలే కాదు.. వెరైటీ కంటెంట్ చిత్రాల‌ను ప్రేక్ష‌కుల‌కు అందించ‌టానికి ఎప్పుడూ ఆస‌క్తి చూపిస్తూనే ఉంటుంది ప్ర‌ముఖ నిర్మాణ సంస్థ లైకా ప్రొడక్షన్స్. ఇప్పుడు ఈ నిర్మాణ సంస్థ‌లో ‘లాల్ సలాం’ రూపొందుతోంది. ఇటీవ‌ల పూజా కార్య‌క్ర‌మాల‌ను పూర్తి చేసుకున్న ఈ సినిమా రెగ్యులర్ షూటింగ్ సోమ‌వారం రోజున ప్రారంభ‌మైంది.
ఈ సందర్భంగా లైకా ప్రతినిధులు మాట్లాడుతూ ‘విభిన్నమైన సినిమాలకు లైకా ఎప్పుడూ ఆద‌ర‌ణ ఇస్తుంది. అందులో భాగంగా లాల్ సలాం సినిమాను నిర్మిస్తున్నాం. ఇందులో ఓ వ‌ప‌ర్‌ఫుల్ పాత్ర ఉంది. దాన్ని నెక్ట్స్ లెవ‌ల్‌కు తీసుకెళ్లే గొప్ప నటుడు కావాల‌ని, సూప‌ర్‌స్టార్ రజినీకాంత్ ను రిక్వెస్ట్ చేశాం. మాతో ఉన్న అనుబంధంతో ఆయ‌న ఈ రోల్‌లో న‌టించ‌టానికి గ్రీన్ సిగ్న‌ల్ ఇచ్చారు. ఎనిమిదేళ్ల త‌ర్వాత ఐశ్వర్య రజినీకాంత్ మ‌ళ్లీ మెగా ఫోన్ పట్టారు. మ‌రో లాల్ సలాం వంటి డిఫరెంట్ మూవీతో మ‌నల్ని అల‌రించ‌బోతున్నారు. ఈ చిత్రానికి ఆస్కార్ విన్న‌ర్ ఎ.ఆర్‌.రెహ‌మాన్ సంగీతాన్ని అందిస్తున్నారు. విష్ణు రామ‌స్వామి సినిమాటోగ్ర‌ఫీ అందిస్తున్నారు అని ఆసక్తికర విషయాలను వెల్లడించారు. ఇక రీసెంట్ గా లైకా ప్రొడక్షన్స్ లోనే Thalaivar170 చిత్రాన్ని కూడా ప్రకటించిన విషయం తెలిసిందే.
Lights 💡
Camera 🎥 🎬
Action 😎✨ 🫡 Shoot starts today! 😌
Happy everyone! 💫
🎬
🎶
🌟 &
🤝
🪙 pic.twitter.com/SHYXxnGYod
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి