☰
ఆడవారు అన్ని రంగాల్లో ముందున్నారు కాని.. భౌన్సర్లు గా కూడా లేడీస్ ఉండటం ఎక్కడైనా చూశారా? అది కూడా మగ సెలబ్రేటీకి లేడీ బౌన్సర్ రక్షణ ఇవ్వడం విచిత్రంగా ఉంది కదా?
మలయాళ నటుడు మోహన్ లాల్ పబ్లిక్‌లోకి వెళ్లినప్పుడు ఆయనతో పాటు ఒక స్ట్రాంగ్ లేడీని మీరు గమనించవచ్చు. ఆమె ఎవరూ కాదు, మోహన్‌లాల్ రక్షణ కోసం నియమించబడిన బౌన్సర్. అరె, మగవాళ్లని బౌన్సర్లుగా, సెక్యూరిటీగా పెట్టుకుంటారు, ఈమెను ఎందుకు పెట్టుకున్నారు అని అందరికి అనుమానం రావచ్చు? అసలు విషయం ఏంటంటే?
ఈమె కేరళలోని ప్రసిద్ధ మహిళా బౌన్సర్ అను కుంజుమన్. చాలా సంవత్సరాలుగా ఈమె బౌన్సర్‌గా పనిచేస్తున్నారు. పెద్ద పెద్ద కార్యక్రమాల్లో జనం గుంపును నిర్వహించడం, సెలబ్రిటీలకు భద్రత కల్పించడం, పబ్‌లు, పార్టీల్లో వేధింపులు ఆపడంలో దిట్ట. ఈ వృత్తి సాంప్రదాయకంగా మగవాళ్లదే ఆధిపత్యం. కానీ ఈ మధ్య కొంతమంది ఆడవాళ్లు కూడా ఇందులో అడుగు పెడుతున్నారు. తమ శారీరక దృఢత్వం, మానసిక బలంపై నమ్మకం ఉన్నవాళ్లు ఇందులో రాణిస్తారు. అలా ఈ కొత్త పాత్రలోకి అడుగుపెట్టిన వ్యక్తి అను కుంజుమన్.
నల్లటి టీ-షర్టు, జీన్స్ వేసుకుని ఆమె కాన్ఫిడెంట్ గా వస్తుంటే, గొడవ చేసే జనం కూడా దారి వదులుతారు. సూపర్ స్టార్ మోహన్ లాల్‌కు ఆమె సులువుగా దారి క్లియర్ చేస్తారు. కొచ్చిలో జరిగిన ఒక కార్యక్రమంలో భద్రతను చూస్తున్నప్పుడు ఆమె నిలబడిన తీరు, ఆజ్ఞాపించే విధానం అందరి దృష్టిని ఆకర్షించాయి. కేరళలో ప్రొఫెషనల్ బౌన్సర్‌గా తన ముద్ర వేస్తున్న అను కుంజుమన్ మగవాళ్ల ఆధిపత్యాన్ని బద్దలు కొట్టారు.
37 ఏళ్ల అను కుంజుమోన్ బౌన్సర్ అవ్వాలనే నిర్ణయం ఆమె వ్యక్తిగత అనుభవాల నుంచి వచ్చింది. పెరిగేటప్పుడు ఆమె చాలా సవాళ్లు ఎదుర్కొన్నారు. గౌరవంగా బతకడానికి కష్టపడుతూ ఆమె తన తల్లి, సోదరి బాధ్యత తీసుకున్నారు. మానసిక ధైర్యం, శారీరక బలం ఆమె జీవితానికి పిల్లర్లు అయ్యాయి.
ఆమె అసలు వృత్తి ఫోటోగ్రాఫర్. సినిమా ప్రమోషన్ కార్యక్రమాలు, సెలబ్రిటీల పార్టీలను కవర్ చేసేది. అలాంటి ఒక కార్యక్రమంలో అక్కడ ఉన్న మగ బౌన్సర్‌తో గొడవ జరిగింది. దాని వల్ల ఆమె ఈ రంగంలోకి రావాలని ఆలోచించింది. భద్రత కోసం ఆడవాళ్లను ఎందుకు నియమించకూడదు అని ఆమె ప్రశ్నించింది. బౌన్సర్ అవ్వాలనే ఆసక్తిని తెలిపింది. ఈ నిర్ణయం ఆమెను కొత్త దారిలోకి తీసుకెళ్లింది.
ఇన్నేళ్లలో కుంజుమన్ సెలబ్రిటీల కార్యక్రమాల నుంచి హై-ఎనర్జీ పబ్ పార్టీల వరకు చాలా కార్యక్రమాల్లో పనిచేశారు. మహిళా సెలబ్రిటీలు, వ్యాపారవేత్తలకు రక్షణగా ఉన్నారు. జనం గుంపును నిర్వహించాల్సిన అవసరం ఉన్నా, ఆమె ఆడవాళ్లను, మగవాళ్లను సమానంగా చూస్తారు. ప్రమాదాలు ఉన్నప్పటికీ ఆమె ఎప్పుడూ నెగెటివ్ అనుభవాలు ఎదుర్కోలేదు. ఆమె సక్సెస్ వెనుక ఆమె నమ్మకం, నియంత్రించే సామర్థ్యం ఉన్నాయి.
అవార్డు ఫంక్షన్లు, సెలబ్రిటీ పార్టీలు, నైట్ లైఫ్ ప్రదేశాలకు మహిళా బౌన్సర్లకు ఎక్కువ డిమాండ్ ఉంది. వీళ్లు ఇప్పుడు మగ బౌన్సర్లతో సమానంగా జీతం తీసుకుంటున్నారు. కానీ ఈ రంగంలో చాలామంది ఆడవాళ్లకు సరైన శిక్షణ లేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి