కౌశల్ షాకింగ్ డెసిషన్.. ఫౌండేషన్ కి బ్రేకులు!
సారాంశం
బిగ్ బాస్ సీజన్ 2 విజేతగా నిలిచిన కౌశల్ తన అభిమానులతో కలిసి కౌశల్ ఆర్మీ ఫౌండేషన్ ని ఏర్పాటు చేశారు. ఈ ఫౌండేషన్ తరఫున సేవా కార్యక్రమాలు నిర్వహించాలనేది ప్లాన్.
బిగ్ బాస్ సీజన్ 2 విజేతగా నిలిచిన కౌశల్ తన అభిమానులతో కలిసి కౌశల్ ఆర్మీ ఫౌండేషన్ ని ఏర్పాటు చేశారు. ఈ ఫౌండేషన్ తరఫున సేవా కార్యక్రమాలు నిర్వహించాలనేది ప్లాన్.
అయితే ఈ ఫౌండేషన్ కి చెందిన డబ్బుని కౌశల్ దుర్వినియోగం చేస్తున్నాడని, తన స్వంత ప్రయోజనాల కోసం వాడుకుంటున్నాడని కొందరు కౌశల్ ఆర్మీ సభ్యులు మీడియా ముందుకొచ్చి ఆరోపణలు చేశారు.
వాటిలో నిజం లేదని కౌశల్ చెబుతున్నప్పటికీ విమర్శలు మాత్రం ఆగడం లేదు. ఈ క్రమంలో కౌశల్.. ఫౌండేషన్ ని తాత్కాలికంగా రద్దు చేయాలని నిర్ణయం తీసుకున్నాడు. దీనికి సంబంధించిన సోషల్ మీడియా అకౌంట్ లో ఓ పోస్ట్ పెట్టాడు.
ప్రస్తుతం ఉన్న పరిస్థితుల్లో ఫౌండేషన్ ని కొన్ని రోజుల పాటు నిలిపివేసి ఆ తరువాత ఫౌండేషన్ సభ్యులను వ్యక్తిగతంగా కలుసుకొని ఎంపిక చేస్తానని అన్నారు. ఇప్పటికి రాష్ట్రస్థాయి కమిటీలు, జాతీయ స్థాయి కమిటీలన్నింటినీ రద్దు చేస్తున్నట్లు ప్రకటించారు.