సమంత ఐటెం సాంగ్.. అస్సలు బాగలేదని ముఖం మీదే చెప్పేశారు

ఐకాన్ స్టార్ అల్లు అర్జున్ నటించిన పుష్ప చిత్రం దేశవ్యాప్తంగా ఎంతటి క్రేజ్ తెచ్చుకుందో ప్రత్యేకంగా చెప్పనవసరం లేదు. ఎర్రచందనం స్మగ్లర్ గా, కూలీగా బన్నీ నటన.. యాటిట్యూడ్ అందరికి విపరీతంగా నచ్చేశాయి. బాలీవుడ్ లో ఈ చిత్రం మంచి విజయాన్ని అందుకుంది. దీనితో పార్ట్  2 పై మంచి క్రేజ్ ఏర్పడింది. 

పార్ట్ 1లో యువతని బాగా ఆకట్టుకున్న అంశాలలో సమంత తొలిసారి చేసిన ఐటెం సాంగ్ కూడా ఉంది. ' ఊ అంటావా మావ' అంటూ సమంత అందాలు ఆరబోస్తూ మత్తుగా చేసిన డాన్స్ కు కుర్రాళ్ళు ఫిదా అయ్యారు. ఈ సాంగ్ కు అన్ని భాషల్లో అదిరిపోయే రెస్పాన్స్ వచ్చింది. ముఖ్యంగా తెలుగులో ఈ సాంగ్ బాగా వైరల్ అయింది.  

వివిధ భాషలో వివిధ సింగర్స్ ఈ పాటని పాడారు. తెలుగులో ప్రముఖ సింగర్ మంగ్లీ సోదరి ఇంద్రావతి చౌహన్ ఈ పాటని అద్భుతంగా పాడారు. కన్నడలో మంగ్లీ పాడింది. తమిళంలో ప్రముఖ నటి, సింగర్ ఆండ్రియా ఈ పాటకు గాత్రం అందించారు. ఇక హిందీలో ఈ సాంగ్ ని కనికా కపూర్ పాడారు. 

కనికా కపూర్ తాజాగా ఓ ఇంటర్వ్యూలో ఈ సాంగ్ పై ఆసక్తికర వ్యాఖ్యలు చేసింది. 'ఊ బోలేగా' సాంగ్ నా ఫ్రెండ్స్, సన్నిహితులు ఎవరికీ నచ్చలేదు. వాళ్ళు డైరెక్ట్ గా మెసేజ్ లు పెట్టారు. 'ఏమీ అనుకోకు ఊ బోలేగా సాంగ్ అసలు బాగాలేదు' అని చెప్పేశారు. కానీ తాను విమర్శలని లైట్ తీసుకుంటానని కనికా కపూర్ పేర్కొంది. 

సాంగ్ బాగా పాపులర్ అయింది. ప్రేక్షకులకు నచ్చేసింది. అలాంటప్పుడు విమర్శలు పట్టించుకోవాల్సిన అవసరం లేదని పేర్కొంది కనికా. తెలుగులో కూడా ఊ అంటావా సాంగ్ పై ఎన్నో విమర్శలు ఎదురయ్యా. మగవాళ్ళని ఉద్దేశిస్తూ ఇంత అసభ్యంగా పాట రాస్తారా అంటూ పురుషుల సంఘం పోలీసులకు కూడా ఫిర్యాదు చేసిన సంగతి తెలిసిందే.