‘ఇండియన్ 2’ నుంచి కొత్త పోస్టర్.. ఖాకీ డ్రెస్ లో కమల్ హాసన్.. ఆకట్టుకుంటున్న లుక్
By Asianet News | First Published Aug 16, 2023, 11:06 AM ISTలోకనాయకుడు కమల్ హాసన్ - శంకర్ కాంబోలో వస్తున్న మోస్ట్ అవైటెడ్ ఫిల్మ్ ‘ఇండియన్ 2’. ఈ భారీ చిత్రం నుంచి కొత్త పోస్టర్ విడుదలైంది. కమల్ హాసన్ లుక్ ఆకట్టుకుంది.
ఇండియన్ 2 మూవీ కోసం ప్రేక్షకులు ఎంతగానో ఎదురుచూస్తున్నారు. ఇప్పటికే థియేటర్లలోకి రావాల్సిన ఈ చిత్రం పలు కారణాల వల్ల ఆలస్యం జరిగింది. ప్రస్తుతం షూటింగ్ శరవేగంగా జరుగుతోంది. తమిళ క్రియేటివ్ డైరెక్టర్ ఎస్ శంకర్ ఫోకస్ మొత్తం ఈ చిత్రంపైనే పెట్టారు. చిత్రీకరణలో స్పీడ్ పెంచుతున్నారు. దాదాపు 20 ఏళ్ల కింద వచ్చిన ‘భారతీయుడు’ క్రియేట్ చేసిన సెన్సేషన్ తో Indian 2పై భారీ అంచనాలు నెలకొన్నాయి.
సినిమా ప్రారంభం నుంచి ఎన్ని అడ్డంకులు వచ్చినా శంకర్ పట్టు వదలని విక్రమార్కుడిలా చిత్రీకరణ కొనసాగిస్తున్నారు. మొత్తానికి షూటింగ్ చివరి దశకు చేరుకున్నట్టు తెలుస్తోంది. వచ్చే ఏడాది ప్రారంభంలోనే సినిమాను విడుదల చేసేలా ప్లాన్ చేస్తున్నట్టు తెలుస్తోంది. ఇక ఈ చిత్రం నుంచి ఆ మధ్యలో టైటిల్ పోస్టర్ తో పాటు కమల్ హాసన్ ఫస్ట్ లుక్ పోస్టర్ ను మాత్రమే విడుదల చేశారు. అంతకు మించి ఎలాంటి అప్డేట్ అందలేదు.
Latest Videos
undefined
ఇక నిన్న స్వాతంత్య్ర దినోత్సవం సందర్భంగా Indian 2 నుంచి కొత్త పోస్టర్ ను విడుదల చేశారు. కమల్ హాసన్ కు సంబంధించిన మరో లుక్ ను రిలీజ్ చేశారు. సేనాపతి పాత్ర తాలుకూ లుక్ ను విడుదల చేయగా ఆకట్టుకుంటోంది. పోస్టర్ లో కమల్ హాసన్ ఖాకీ దుస్తులు ధరించి, చొక్కా పైజేబుపై మూడు రంగుల బ్యాడ్జీని ధరించారు. దేశభక్తి ఉట్టిపడేలా పోస్టర్ కనిపించింది. మొత్తానికి పోస్టర్ సినిమాపై మరింత ఆసక్తిని పెంచుతోంది.
ఎస్ శంకర్ దర్శకత్వం వహిస్తున్న ఈ చిత్రాన్ని లైకా ప్రొడక్షన్స్ బ్యానర్ లో భారీ బడ్జెట్ తో నిర్మిస్తున్నారు. స్టార్ హీరోయిన్ కాజల్ అగర్వాల్ (Kajal Aggarwal), రకుల్ ప్రీత్ సింగ్ కథానాయికలుగా నటిస్తున్నారు. ఇప్పటికే షూటింగ్ ఆల్మోస్ట్ కంప్లీట్ కావొస్తోంది. ఆ వెంటనే పోస్ట్ ప్రొడక్షన్ పనులూ ప్రారంభించనున్నారు. వచ్చే ఏడాది ప్రేక్షకుల ముందుకు వచ్చేలా మేకర్స్ ప్లాన్ చేస్తున్నారు. ఇక శంకర్ మరోవైపు మెగా పవర్ స్టార్ రామ్ చరణ్ తో ‘గేమ్ ఛేంజర్’ ను తెరకెక్కిస్తున్న విషయం తెలిసిందే. ఈ సినిమాపైనా భారీ అంచనాలు నెలకొన్నాయి.
Senapathy & team Indian 2 wishes everyone a Happy Independence Day 🫡🇮🇳 🇮🇳
pic.twitter.com/jveGIiUo5T
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి