సూపర్ న్యూస్.. ప్రభాస్ Project Kలో కమల్ హాసన్? రెమ్యునరేషన్ అన్ని కోట్లా? డిటేయిల్స్
By Asianet News | First Published May 31, 2023, 2:56 PM ISTపాన్ ఇండియా స్టార్ ప్రభాస్ Project K లో లోకనాయకుడు కమల్ హాసన్ నటించబోతున్నారని తెలుస్తోంది. విలన్ గా కనిపించబోతున్నారని ప్రచారం జరుగుతోంది. ప్రస్తుతం ఈ న్యూస్ సెన్సేషనల్ గా మారింది.
తమిళ స్టార్, లోకనాయకుడు కమల్ హాసన్ (Kamal Haasan) నాలుగేళ్ల గ్యాప్ తర్వాత ‘విక్రమ్’ చిత్రంతో రీఎంట్రీ ఇచ్చిన విషయం తెలిసిందే. ఈ మూవీ ఎంతటి సెన్సేషన్ క్రియేట్ చేసిందో అందరికీ విధితమే. దీనికి మున్ముందు సీక్వెల్ కూడా రాబోతోంది. ప్రస్తుతం కమల్ హాసన్ తమిళ స్టార్ డైరెక్టర్ శంకర్ దర్శకత్వంలో ‘ఇండియన్ 2’తో పాటు మణిరత్నం డైరెక్షన్ లోనూ ఓ చిత్రాన్ని అనౌన్స్ చేశారు.
ఇదిలా ఉంటే.. పాన్ ఇండియా స్టార్ ప్రభాస్ (Prabhas) - దీపికా పదుకొణె (Deepika Padukone) జంటగా నటిస్తున్నభారీ చిత్రం ‘ప్రాజెక్ట్ కే’లో నటించబోతున్నారని ప్రచారం జరుగుతోంది. ప్రస్తుతం ఈ న్యూస్ నెట్టింట తెగ వైరల్ గా మారింది. అయితే ప్రభాస్ కు విలన్ గా ప్రాజెక్ట్ కెలో నటించడానికి యూనిట్ లోకనాయకుడిని సంప్రదించినట్టు తెలుస్తోంది. దీనిపై ఇంకా కమల్ హాసన్ ఎలాంటి నిర్ణయం తీసుకోలేదని, సైన్ చేయలేదని కూడా అంటున్నారు. రెండు, మూడు రోజుల్లో గుడ్ న్యూస్ వినిపించబోతుందని టాక్ నడుస్తోంది.
Latest Videos
undefined
మరోవైపు ఈ చిత్రంలో భారీగా రెమ్యునరేషన్ తీసుకునే స్టార్లను ఎంపిక చేస్తున్న విషయం తెలిసిందే. ఈ క్రమంలో కమల్ హాసన్ కు రూ.150 కోట్ల వరకు రెమ్యునరేషన్ ఇచ్చేందుకు కూడా సిద్ధమేనని నిర్మాత అశ్విన్ దత్ సంప్రదించినట్టు తెలుస్తోంది. కొందరు ఇందులో నిజం లేదని అంటున్నారు. దీనిపై మున్ముందు మరింత క్లారిటీ వచ్చే అవకాశం ఉంది.
అలనాటి నటి, దివంగత సావిత్రి బయోపిక్ ను ‘మహానటి’గా ప్రేక్షకుల ముందుకు తీసుకొచ్చిన నాగ్ అశ్విన్ ‘ప్రాజెక్ట్ కే’ను డైరెక్ట్ చేస్తున్నారు. ప్రభాస్, దీపికా పదుకొణెతో పాటు బాలీవుడ్ బిగ్ బీ అమితాబ్ బచ్చన్ కీలక పాత్రలో నటిస్తున్న విషయం తెలిసిందే. ఇప్పటికే షూటింగ్ చకా చకా కొనసాగుతోంది. వీఎఫ్ఎక్స్, సీజీ వర్క్ ను కూడా ప్రారంభించినట్టు గతంలోనే నిర్మాత వెల్లడించిన విషయం తెలిసిందే. ఇక ఈ చిత్రం రెండు భాగాలుగా రానుందని అంటున్నారు. చిత్రాన్ని వైజయంతి మూవీస్ బ్యానర్ పై రూ.500 కోట్ల బడ్జెట్ తో నిర్మిస్తున్నారు. వచ్చే ఏడాది 2024 జనవరి 12న ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి