‘ఖుషి’ నుంచి ఎమోషనల్ లవ్ సాంగ్ రిలీజ్.. ఇంట్రెస్టింగ్ గా ‘రాక్షస కావ్యం’, ‘సౌండ్ పార్టీ’ మూవీ టీజర్స్
By Asianet News | First Published Aug 17, 2023, 9:11 PM ISTవిజయ్ దేవరకొండ - సమంతల ‘ఖుషి’ నుంచి నాలుగో పాట విడుదలైంది. అలాగే ఆయా సినిమాల నుంచి ఇంట్రెస్టింగ్ టీజర్లు కూడా రిలీజ్ అయ్యి ఆకట్టుకుంటున్నాయి. ఈరోజు మూవీ అప్డేట్స్ ఆసక్తికరంగా ఉన్నాయి.
డాషింగ్ హీరో విజయ్ దేవరకొండ (Vijay Deverakonda) - , సమంత (Samantha) హీరో హీరోయిన్లుగా నటిస్తున్న సినిమా ‘ఖుషి’. చిత్రాన్ని మైత్రీ మూవీస్ పతాకంపై నవీన్ యెర్నేని, వై రవిశంకర్ నిర్మించారు. మనసుకు హత్తుకునే ప్రేమ కథతో లవ్ అండ్ ఫ్యామిలీ ఎంటర్ టైనర్ గా దర్శకుడు శివ నిర్వాణ రూపొందించారు. ‘ఖుషి’ సెప్టెంబర్ 1న గ్రాండ్ గా రిలీజ్ అయ్యేందుకు రెడీ అవుతోంది. తాజాగా ఈ సినిమా నుంచి లవ్ పెయిన్ తెలిపే 'యెదకి ఒక గాయం..' లిరికల్ సాంగ్ ను రిలీజ్ చేశారు.
యెదకి ఒక గాయం..వదలమంది ప్రాణం ..చెలిమివిడి బంధం..ఎవరు ఇక సొంతం..కలతపడి హృదయం... కరగమంది మౌనం...గతమువిడి పాశం..ఏది ఇక బంధం అంటూ లవ్ ఫీల్ తో సాగుతుందీ పాట. ఈ పాటకు దర్శకుడు శివ నిర్వాణ సాహిత్యాన్ని అందించగా సంగీత దర్శకుడు హేషమ్ అబ్దుల్ వాహాబ్ స్వరపర్చి పాడారు. ఈ పాటలో విజయ్ దేవరకొండ పలికించిన భావోద్వేగాలు కూడా ఆడియెన్స్ కు హార్ట్ టచింగ్ గా ఉండబోతున్నాయి. సినిమాలో ఈ పాట వచ్చే సిచ్యువేషన్ కీలకంగా ఉండనున్నట్లు తెలుస్తోంది. యెదకి ఒక గాయం పాటకు చాలా ఇంపార్టెన్స్ ఇచ్చి పిక్చరైజ్ చేసినట్లు దర్శకుడు శివ నిర్వాణ చెబుతున్నారు.
Another melody joins your playlist, this time filled with pain 🎶💔 Fourth Single out now!
- https://t.co/QK8AbTjZIn
In cinemas SEP 1st💥 … pic.twitter.com/BSm4VfcOnX
Latest Videos
undefined
Raakshasa Kavyam : ఈరోజు మూవీ అప్డేట్స్ లో.. “రాక్షస కావ్యం” సినిమా టీజర్ లాంచ్ గ్రాండ్ గా జరిగింది. సినిమా విషయానికొస్తే.. నవీన్ బేతిగంటి, అన్వేష్ మైఖేల్, పవన్ రమేష్, దయానంద్ రెడ్డి, కుశాలిని, రోహిణి ప్రధాన పాత్రల్లో నటిస్తున్న సినిమా “రాక్షస కావ్యం”(Raakshasa Kavyam). ఈ చిత్రాన్ని గరుడ ప్రొడక్షన్స్, పింగో పిక్చర్స్, సినీ వ్యాలీ మూవీస్ బ్యానర్స్ లో దాము రెడ్డి, శింగనమల కల్యాణ్ నిర్మిస్తున్నారు. Excutive Producer Umesh Chikku, నవీన్ రెడ్డి, వసుందర దేవి సహ నిర్మాతలుగా వ్యవహరిస్తున్నారు. “రాక్షస కావ్యం” చిత్రాన్ని దర్శకుడు శ్రీమాన్ కీర్తి రూపొందిస్తున్నారు. గురువారం “రాక్షస కావ్యం” సినిమా టీజర్ విడుదల కార్యక్రమం హైదరాబాద్ లో జరిగింది. ఈ కార్యక్రమంలో బలగం దర్శకుడు వేణు యెల్దండి, యంగ్ హీరో తిరువీర్ గెస్ట్ లుగా హాజరయ్యారు. టీజర్ ఆసక్తికరంగా ఉంది. “రాక్షస కావ్యం” ఒక భిన్నమైన ప్రయత్నంగా, మైథాలజీని నేటి సామాజిక పరిస్థితులకు అన్వయించి ఒక కొత్త తరహా సినిమా చేసినట్టు మేకర్స్ చెప్పారు. కామెడీ కూడా అందించనున్నారు.
చిత్రం గురించి సంగీత దర్శకుడు రాజీవ్ రాజ్ మాట్లాడుతూ - ఈ సినిమాకు సంగీత దర్శకత్వం చేసే అవకాశం రావడమే ఆశ్చర్యాన్ని కలిగించింది. కానీ మాపై మాకంటే మా డైరెక్టర్, ప్రొడ్యూసర్స్ కు ఎక్కువ నమ్మకం ఉండేది. వారు నమ్మినట్లు మంచి మ్యూజిక్ చేశామని అనుకుంటున్నా. హీరోయిన్ కుశాలిని మాట్లాడుతూ - సినిమాలో అవకాశం ఇచ్చిన ప్రొడ్యూసర్ దాము, డైరెక్టర్ శ్రీమాన్ గారికి థాంక్స్. ఒక యూనిక్ కాన్సెప్ట్ మూవీ ఇది. అందరికీ నచ్చుతుంన్నారు. అనంతరం హీరోయిన్ రోహిణి, నటుడు పవన్ రమేష్, అన్వేష్ మైఖేల్, యాదమ్మ రాజు సినిమాపై తమ అభిప్రాయాలను వ్యక్తం చేశారు.
హీరో నవీన్ బేతిగంటి మాట్లాడుతూ - నేను రామన్న యూత్ సినిమాకు డైరెక్షన్ చేస్తున్నప్పుడు చాలా మంది ప్రొడ్యూసర్స్, డైరెక్టర్స్ నువ్వు డైరెక్షన్ చేస్తున్నావు కదా యాక్టింగ్ చేయవేమో అనుకున్నాం అని ఆఫర్స్ ఇవ్వడం మానేశారు. నేను బేసిక్ గా యాక్టర్ ను, సినిమాల్లో నటించాలని కోరుకుంటా. దాము అన్న ద్వారా శ్రీమాన్ వచ్చి ఈ కథ చెప్పాడు. ఈ కథలో నేను ఏ క్యారెక్టర్ కోరుకున్నానో, అదే క్యారెక్టర్ నాకు ఇచ్చారు. నా లైఫ్ టైమ్ లో గుర్తుండే సినిమా అవుతుందని చెప్పుకొచ్చారు. దర్శకుడు శ్రీమాన్ కీర్తి మాట్లాడుతూ - మైథాలజీ నుంచి ఇన్స్ పైర్ రాసుకున్న కథతో “రాక్షస కావ్యం” సినిమాను తెరకెక్కించాను. ఈ కథను 30, 40 మంది ప్రొడ్యూసర్స్ కు చెప్పా. వాళ్లు డేర్ చేయలేకపోయారు. కానీ దాము విని సినిమా చేద్దామని ముందుకొచ్చారు. పురాణాల్లోని జయ విజయులు ఒక్కో యుగంలో ఒక్కో రాక్షసుల్లా పుట్టారు. వాళ్లు ఇప్పుడు కలియుగంలోకి వస్తే ఎలాంటి పనులు చేస్తారనే ఫిక్షనల్ పాయింట్ తో ఈ సినిమా ఉంటుంది. టీజర్ లాగే సినిమా కూడా ఇష్టపడతారని నమ్ముతున్నాం.
హీరో తిరువీర్ మాట్లాడుతూ - ఈ టీమ్ లో చాలా కష్టపడే వారున్నారు. ఈ సినిమా హిట్ కావాలని కోరుకుంటున్నా. అన్నారు. బలగం దర్శకుడు వేణు మాట్లాడుతూ - కొత్తగా ఏదైనా సినిమా చేయాలనే తపన ఉన్న టీమ్ అంతా కలిసి “రాక్షస కావ్యం” చేశారు. ప్యారలల్ సినిమా కోసం స్ట్రగుల్ పడుతున్న బ్యాచ్ వీళ్లు. టీజర్ చూశాను చాలా బాగుంది. ఎదో కొత్తదనం సినిమాలో ఉండబోతోంది అని అర్థమైంది. లిరిక్ రైటర్ మిట్టపల్లి సురేందర్ మాట్లాడుతూ - ఒక చిన్న జర్నలిస్ట్ గా జీవితం ప్రారంభించిన నా మిత్రుడు దాము ప్రొడ్యూసర్ గా ఎప్పటికీ గుర్తుండే సినిమాలు చేస్తున్నారు. జార్జ్ రెడ్డి తర్వాత “రాక్షస కావ్యం” ఆయన సంస్థలో మెమొరబుల్ మూవీ అవుతుంది.
Sound Party Movie : ఫుల్ మూన్ మీడియా ప్రొడక్షన్స్ పతాకంపై, ప్రొడక్షన్ నెం. 1, వి.జె.స‌న్నీ (VJ Sunny) హీరోగా, హ్రితిక శ్రీనివాస్ హీరోయిన్ గా నటిస్తున్న నూతన చిత్రం, ‘సౌండ్ పార్టీ’ (Sound Party). రవి పోలిశెట్టి, మహేంద్ర గజేంద్ర, శ్రీ శ్యామ్ గజేంద్ర నిర్మాత‌లు. జయ శంకర్ సమర్పణ. సంజ‌య్ శేరి దర్శకుడు. ఇటీవ‌ల షూటింగ్ పూర్తైంది. పోస్ట్ ప్రొడక్షన్ పనులు శ‌ర‌వేగంగా జరుగుతున్నాయి. ఈ చిత్రానికి సంబంధించిన పోస్టర్ ను రీసెంట్ గానే ఎమ్మెల్సీ క‌ల్వ‌కుంట్ల క‌విత ఆవిష్క‌రించిన విషయం తెలిసిందే. త్వరలో రిలీజ్ కాబోతున్నఈ చిత్రం నుంచి యూనిట్ తాజాగా ఇంట్రెస్టింగ్ టీజర్ ను విడుదల చేసింది. టీజర్ కామెడీతో నిండిపోయింది. డైలాగ్స్ అదిరిపోయాయి. మిడిల్ క్లాస్ నుంచి సంపన్నులు కావాలని చేసే ప్రయత్నంలో నవ్వులు పూయించడమే సినిమా కథగా అర్థం అవుతోంది. టీజర్ ఆకట్టుకుంటోంది. ఇక ఈ చిత్రంలో శివన్నారాయణ, అలీ, సప్తగిరి, థర్టీ ఇయర్స్ పృథ్వి, ‘మిర్చి’ ప్రియ, మాణిక్ రెడ్డి, అశోక్ కుమార్, కాదంబరి కిరణ్, ‘జెమిని’ సురేష్, భువన్ సాలూరు, ‘ఐ డ్రీమ్’ అంజలి, చలాకి చంటి, తేజ త‌దిత‌రులు న‌టిస్తున్నారు. చిత్రానికి డైరెక్టర్ ఆఫ్ ఫోటోగ్రఫీ : శ్రీనివాస్ రెడ్డి, ఎడిటర్ : జి. అవినాష్ ; సంగీతం: మోహిత్ రెహమానిక్ అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి