స్టార్ హీరో.. నయన్ కు 'ఐ లవ్యూ' చెప్పాడు!

దక్షినాది స్టార్ హీరోయిన్ నయనతారకు తెలుగు, తమిళ భాషల్లో విపరీతమైన ఫ్యాన్ ఫాలోయింగ్ ఉంది. ఇండస్ట్రీలో కూడా ఆమెకు అభిమానులు బాగానే ఉన్నారు. ఆ అభిమానంతోనే ఓ పెళ్లైన స్టార్ హీరో నయనతారకు ఐ లవ్యూ చెప్పేశాడు. అసలు విషయంలోకి వస్తే.. ఇటీవల చెన్నైలో ఓ అవార్డు ఫంక్షన్ జరిగింది.

ఇందులో 'అరమ్' సినిమాకుగాను నయనతార ఉత్తమనటి అవార్డు సొంతం చేసుకుంది. ఈ సందర్భంలో నయన్ కు సంబంధించిన ఓ చిన్న క్విజ్ ను నిర్వహించారు. ఇందులో భాగంగా నయన్ సినిమాలోని ఫేవరైట్ డైలాగ్ చెప్పమని దుల్కర్ సల్మాన్ ను అడిగారు. దీనిపై స్పందిస్తూ.. అట్లీ డైరెక్ట్ చేసిన 'రాజారాణి' సినిమా అంటే తనకు చాలా ఇష్టమని, ఆ సినిమాలో నయనతారతో హీరో జై చెప్పే డైలాగ్ ను తన వెర్షన్ లో.. 'ఐ లవ్యూ నయనతార నీ నటనను ఎల్లప్పుడూ ప్రేమిస్తూ నీ అభిమానిగానే ఉండిపోతా' అని చెప్పుకొచ్చాడు.