ఉక్రేయిన్ నుంచి ఎంతో కష్టపడి తప్పించుకున్న హాలీవుడ్ హీరో, ఎలా వచ్చాడంటే..?

ఉక్రేయిన్ పై రష్యా దాడి ప్రపంచ సమాజం గట్టిగా వ్యతిరేకిస్తుంది. సామాన్యుల దగ్గర నుంచి సెలబ్రిటీల వరకూ అందరూ ఈ దాడిని వ్యాతిరేకిస్తున్నారు.ఈ దాడుల తో సాధారణ జనాలతో పాటు.. ఫిల్మ్ స్టార్స్ కూడా ప్రాణాలు అరచేతిలో పెట్టుకుని తప్పించుకుంటున్నారు.

ఉక్రెయిన్ పై యుద్ధం సామాన్యులకే కాదు.. సెలబ్రిటీలకు కూడా కష్టాలను తెచ్చిపెట్టింది. యుధ్ధం కారణంగా లక్షలాది మంది ప్రజలు ఉక్రెయిన్ దేశాన్ని వీడి సరిహద్దులను దాటి వెళ్లిపోతున్నారు.ఉక్రెయిన్ లో ఉన్న విదేశీయులు కూడా ఎలాగొలా తమ ప్రాణాలు కాపాడుకుంటూ బయట పడే ప్రయత్నం చేస్తున్నారు. రీసెంట్ గా హాలీవుడ్ స్టార్ హీరో కూడా ఇలానే ఉక్రెయిన్ నుంచి బయట పడ్డారు.

హాలీవుడ్ స్టార్ హీరో, డైరెక్టర్ శాన్ పెన్ కు కూడా ఉక్రేయిన్ బాధలు తప్పలేదు. రష్యా యుద్ధం మొదలైన తర్వాత గత గురువారం డాక్యూమెంట్రీ పనితో పాటు, ఉక్రెయిన్ కు వెళ్లి జెలెన్ స్కీతో కలిసి ప్రెస్ కాన్ఫరెన్స్ లో పాల్గొన్నాడు శాన్. ఇక  ఇప్పుడు అందరు ప్రజల మాదిరిగానే.. ఉక్రెయిన్ కు చెందిన లక్షలాది మంది లాగానే ఆయన కూడా పోలెండ్ కు వలస కట్టాడు. 

ఇంటూ ద వైల్డ్, ద క్రాసింగ్ గార్డ్ లాంటి సూపర్ హిట్ మూవీస్ డైరెక్ట్ చేసిన హాలీవుడ్ స్టార్  శాన్ పెన్ కాలినడకన ఉక్రెయిన్ యుద్ధ భూమి నుంచి తప్పించుకున్నాడు. బ్యాక్ ప్యాక్, స్ట్రాలర్ సూట్ కేసును తీసుకుని నడుచుకుంటూ వెళ్లిపోయాడు. ఈ విషయాన్ని ఈ స్టార్ హీరో తన ట్విట్టర్ ద్వారా వెల్లడిస్తూ.. ఫొటోను పోస్ట్ చేశాడు. అతి కష్టం మీద తాను ఉక్రేయిన్ నుంచి బయటపడ్డట్టు వెల్లడించాడు శాన్ పెన్. దాని కోసం తాను ఎంతో శ్రమించాల్సి వచ్చిందంటున్నాడు.  

తాను ఉక్రేయిన్ నుంచి ఎలా తప్పించుకున్నాడో వివరంగా చెప్పాడు శాన్. ఇద్దరు సహచరులతో కలిసి నేను చాలా దూరం నడిచి పోలెండ్ సరిహద్దులకు చేరుకున్నాను. మా కారును రోడ్డు పక్కనే వదిలేసి వచ్చేశాం. రోడ్డు మీద  కార్లు క్యూ కట్టి ఉన్నాయి. ఆ కార్లన్నీ పిల్లలు, ఆడవాళ్లతోనే నిండిపోయి ఉన్నాయి. మగవాళ్లు లేరు. ఏ ఆస్తులూ లేవు. కట్టుబట్టలతోనే వారు దేశాన్ని వీడిపోతున్నారు.  వారికున్న ఆస్తి ఏదైనా ఉందంటే అది ఒక్క ఆ కారే అంటూ శాన్ ట్వీట్ చేశాడు.    

ఇది ఇలా ఉంటే..  ఉక్రెయిన్ నుంచి హాలీవుడ్ స్టార్ హీరో శాన్ పెన్ సేఫ్ గా బయట పడ్డాడని లాస్ ఏంజిలిస్ లోని శాన్ ప్రతినిధి మారా బక్స్ బామ్  ప్రకటించారు. అయితే అతడు ఎక్కడున్నాడన్న విషయాన్ని మాత్రం వారు చెప్పలేదు. గత నవంబర్ లో ఉక్రెయిన్ పర్యటన సందర్భంగా ఆ దేశ రాజకీయ ప్రతినిధులు, సైనికాధికారులను శాన్ ఇంటర్వ్యూ చేసినట్టు తెలుస్తోంది.