పెళ్ళి పీటలెక్కబోతున్న అంజలి.. Rc15బ్యూటీకి కాబోయే వరుడు ఎవరంటే..?
సారాంశం
పెళ్లి పీటలెక్కడానికి రెడీగా ఉంది హీరోయిన్ అంజలి. త్వరలో పెళ్లి చేసుకోబోతుందంటూ వార్తలు హల్ చల్ చేస్తున్నాయి. తమిళ సోషల్ మీడియా అంజలి పెళ్ళిపై వార్తలు వైరల్ చేస్తున్నాయి. మరి ఇందులో నిజమెంత..? అంజలి చేసుకోబోయేది ఎవరిని..?
తెలుగు బ్యూటీ అంజలి వరుస సినిమాలతో తనకంటూ ఓ ఇమేజ్ సాధించింది. అవ్వడానికి తెలుగు అమ్మాయి అయినా.. తమిళంలో బాగా క్లిక్ అయ్యింది అంజలి. అక్కడ స్టార్ హీరోల సినిమాల్లో నటించింది కాని.. స్టార్ హీరోయిన్ ఇమేజ్ కు అడుగు దూరంలో ఆగిపోయింది. ఇక అడపా దడపా తెలుగు సినిమాలు చేస్తూ.. తెలుగువారి మనసును కూడా దోచేసింది బ్యూటీ. ప్రస్తుతం సీనియర్ హీరోలకు జతగా నటిస్తూ.. కెరీర్ లో పర్వాలేదు అనిపించుకుంటుంది.
ఇక తమిళ సినిమాల్లో పాపులర్ అయిన టైమ్ లోనే.. యంగ్ హీరో జై తో లవ్ ట్రాక్ నడిపింది బ్యూటీ. వీరిద్దరు కలిసి లివింగ్ రిలేషన్ లో కూడా ఉన్నారని వార్తలు రావడంతో.. అంజలి ఫిల్మ్ కెరీర్ పై ఆ ప్రభావం గట్టిగా పడింది. అంజలికి అవకాశాలు తగ్గాయి. ఇద్దరు స్టార్లు పెళ్ళి చేసుకుంటారు అనికూడా అనుకున్నారు. అయితే కొన్నాళ్ళకు వీరి ప్రేమ బ్రేకప్ అయ్యింది. అప్పటి నుంచి కెరీర్ పై కాంన్సంట్రేట్ చేసింది అంజలి.
ప్రస్తుతం కోలీవుడ్ నుంచి అందుతున్న సమాచారం ప్రకారం అంజలి త్వరలో పెళ్లిపీటలు ఎక్కబోతోందట.అంతే కాదు ఆమె చేసుకోబోయేది ఇండస్ట్రీకి సబంధించి వ్యక్తిని కాదట. అంజలి తన పెళ్ళిబాధ్యతలను పూర్తిగా తల్లీ తండ్రులకు అప్పగించేసినట్టు తెలుస్తోంది. ఇక అంజలి తల్లిదండ్రులు కూడా ఆమెకు ఓ మంచి కుర్రాడిని చూసినట్లుగా తెలుస్తోంది. అబ్బాయి కూడా అచ్చ తెలుగు అబ్బాయి అని సమాచారం.
హీరోయిన్ అంజలి తల్లిదండ్రులు విదేశాల్లో ఉంటారు. కానీ, తమ కూతురి కోసం చెన్నైలో ఉంటున్న ఓ తెలుగు కుటుంబానికి చెందిన, తెలుగు కుర్రాడిని చూశారని.. త్వరలోనే వారు ఇండియాకు వచ్చి.. పెళ్ళి పనులు స్టార్ట్ చేయబోతున్నట్టు తెలుస్తోంది. అన్నీ అనుకున్నట్లుగా జరిగితే, ఈ ఏడాది చివరి వరకూ అంజలి పెళ్ళి జరిగే అవకాశం ఉంది.
అంజలి ప్రస్తుతం మెగా పవర్ స్టార్ రామ్ చరణ్ హీరోగా.. పాన్ ఇండియా మూవీ RC15లో లీడ్ క్యారెక్టర్ లో నటిస్తుంది.అయితే ఈ సినిమా తరువాతే అంజలి పెళ్లి జరగబోతుందట. ప్రస్తుతం ఈ వార్త తమిళ....ఫిల్మ్ సర్కిల్ లో షికారు చేస్తోంది. సౌత్ ఇండస్ట్రీలో.. సోషల్ మీడియాలో చక్కర్లు కొడుతోంది. అయితే ఈ విషయం అఫీషియల్ గా అనౌన్స్ చేయలేదు.. అంజలి కూడా తనపెళ్లిపై క్లారిటీ ఇవ్వలేదు. మంచి ముహూర్తం చూసుకుని చెపుతుందేమో చూడాలి.