బిగ్ బాస్ 4 గ్రాన్ ఫినాలే... వేదికపై మెరిసే తారలు వీరే!
Published : Dec 19, 2020, 11:42 PM IST
సారాంశం
బిగ్ బాస్ ఫినాలేకు టాలీవుడ్ నుండి టాప్ స్టార్ గెస్ట్ రావడం ఆనవాయితీగా ఉంది. నాని హోస్ట్ గా జరిగిన సీజన్ 2 ఫినాలే వేదికపైకి గెస్ట్ గా విక్టరీ వెంకటేష్ వచ్చారు. నాగార్జున హోస్ట్ గా ఉన్న సీజన్ 3 ఫినాలేకు అతిథిగా మెగాస్టార్ చిరంజీవి రావడం జరిగింది.
కాగా బిగ్ బాస్ ఫినాలేకు టాలీవుడ్ నుండి టాప్ స్టార్ గెస్ట్ రావడం ఆనవాయితీగా ఉంది. నాని హోస్ట్ గా జరిగిన సీజన్ 2 ఫినాలే వేదికపైకి గెస్ట్ గా విక్టరీ వెంకటేష్ వచ్చారు. నాగార్జున హోస్ట్ గా ఉన్న సీజన్ 3 ఫినాలేకు అతిథిగా మెగాస్టార్ చిరంజీవి రావడం జరిగింది. మరి సీజన్ 4 గెస్ట్ ఎవరనే విషయంపై పలు వార్తలు చక్కర్లు కొట్టాయి. కాగా వేదికను మరింత కలర్ ఫుల్ గా మార్చడానికి యంగ్ హీరోయిన్ మెహ్రీన్, లక్ష్మీ రాయ్ రానున్నారట. అలాగే యంగ్ డైరెక్టర్ అనిల్ రావిపూడి కూడా రానున్నారని సమాచారం.
లవ్ స్టోరీ మూవీ కోసం జతకట్టిన నాగ చైతన్య, సాయి పల్లవి కూడా బిగ్ బాస్ వేదికపైకి అతిథులు గా రానున్నారని తెలుస్తుంది. మొత్తంగా కింగ్ నాగ్ హోస్ట్ గా ఉన్న వేదికపైకి అబ్బాయి నాగ చైతన్య రావడం విశేషమే అని చెప్పాలి. ఫైనల్ కి అరియనా, అభిజీత్, అఖిల్, సోహైల్ మరియు హారిక చేరుకోగా వీరిలో ఒకరు టైటిల్ అందుకోనున్నారు.