యూవీ క్రియేషన్స్ పై ఫ్యాన్స్ ఫైర్.. `మిస్ శెట్టి మిస్టర్ పొలిశెట్టి` టీజర్ డిలేపై ట్రోల్స్
సారాంశం
యూవీ క్రియేషన్స్ నిర్మాణ సంస్థ మరోసారి ట్రోల్స్ కి గురవుతుంది. అనుష్క నటించిన `మిస్ శెట్టి మిస్టర్ పొలిశెట్టి` చిత్రం టీజర్ డిలే అయిన నేపథ్యంలో ఫ్యాన్స్ ఫైర్ అవుతున్నారు. ట్రోల్స్ చేస్తున్నారు.
డార్లింగ్ హోమ్ బ్యానర్ యూవీ క్రియేషన్స్ ఇప్పుడు మరోసారి వార్తల్లో నిలిచింది. చాలా వరకు ఈ బ్యానర్ అప్డేట్ల ఆలస్యం విషయంలో, నెగటివ్ ట్రోలింగ్తో వార్తల్లో నిలుస్తుంటుంది. ఇప్పుడు కూడా అదే విషయంలో వార్తల్లో నిలుస్తుంది. ట్రోల్స్ కి గురవుతుంది. అభిమాలను ఆగ్రహానికి గురవుతుంది. ప్రస్తుతం ఈ బ్యానర్లో అనుష్క శెట్టి, నవీన్ పొలిశెట్టి జంటగా `మిస్ శెట్టి మిస్టర్ పొలిశెట్టి` చిత్రం రూపొందుతుంది. నూతన దర్శకుడు మహేష్ రూపొందిస్తున్నారు.
సరికొత్త ప్రేమ కథతో ఈ చిత్రం తెరకెక్కుతుంది. నవీన్ పొలిశెట్టి సినిమా కావడంతో ఎంటర్టైన్మెంట్ బోలెడు ఉంటుందని ఆడియెన్స్, ఫ్యాన్స్ ఆశిస్తున్నారు. అయితే ఈ చిత్రానికి సంబంధించిన అప్డేట్ ఇస్తామని ప్రకటించింది యూనిట్. ఈ రోజు(ఏప్రిల్ 29) సాయంత్రం ఆరు గంటలకు టీజర్ని రిలీజ్ చేస్తామని ప్రకటించారు. కానీ ఇప్పటి వరకు రిలీజ్ చేయలేదు. తెలిపిన డేట్కి రెండు గంటలు దాటిపోయినా ఇంకా టీజర్ రాలేదు. దీంతో ఫ్యాన్స్ ఆగ్రహం వ్యక్తం చేస్తున్నారు.
టైమ్ అంటే యూవీ,.. యూవీ అంటే టైమ్ అంటూ సెటైర్లు పేలుస్తున్నారు. తు నీ.. ఎప్పుడైనా టైమ్కి అప్డేట్ ఇచ్చార్రా మీరు, 6 గంటలు అంటే రివర్సా? 9 గంటలకా? అని, ఇలాంటిదేదో ఉంటుందని ముందే అనుకున్నా, ఎప్పుడైనా అనుకున్న టైమ్కి రిలీజ్ చేశారా? అంటూ రచ్చ చేస్తున్నారు ఫ్యాన్స్. ట్రోల్స్, మీమ్స్ తో నానా హంగామా చేస్తున్నారు. బ్రహ్మానందం వీడియోలు పోస్ట్ చేసి వైరల్ చేస్తున్నారు. దీంతో ప్రస్తుతం సోషల్ మీడియాలో యూవీ క్రియేషన్స్, `మిస్ శెట్టి, మిస్టర్ పొలిశెట్టి` యాష్ ట్యాగ్ ట్రెండ్ అవుతుంది.
ప్రస్తుతం ఈ సినిమాకి సంబంధించి హైదరాబాద్లోని శ్రీనిధి ఇనిస్టిట్యూట్లో ఈవెంట్ నిర్వహిస్తున్నారు. ఇందులో ప్రదర్శించనున్నారు. దీనికోసం డిలే అవుతుందని టీమ్ తెలిపింది. మరి ఎప్పుడు రిలీజ్ చేస్తారనేది మాత్రం చెప్పలేదు. దీంతో ఫ్యాన్స్ నిరాశతో ఉన్నారు. ఆ వెయిటింగ్ని తట్టుకోలేక బూతులు ఉపయోగిస్తూ ట్రోల్స్ చేస్తున్నారు. అటు నిర్మాణ సంస్థని, ఇటు నవీన్ పొలిశెట్టిని ఓ రేంజ్లో ఆడుకుంటున్నారు.