రామ్‌చ‌ర‌ణ్ `ధృవ` పాట‌లు విడుద‌ల‌

మెగా అభిమానులకు సర్ ప్రైజ్ ల మీద సర్ ప్రైజ్ లు. మెగా ఫ్యామిలీకి చెందిన మరో మూవీ రామ్ చరణ్ నటిస్తున్న ధృవ. పది సెకన్ల సాంగ్స్ తోనే క్రేజీ టాక్ సంపాదించుకున్న ధృవ ఆడియో మార్కెట్ లోకి విడుదలైంది.

మెగాప‌వ‌ర్‌స్టార్ రామ్‌చ‌ర‌ణ్‌, ర‌కుల్ ప్రీత్ సింగ్ జంట‌గా ప్ర‌తిష్టాత్మ‌క‌మైన  గీతాఆర్ట్స్ బ్యాన‌ర్ లో, స్టైలిష్ డైరెక్ట‌ర్ సురేంద‌ర్ రెడ్డి ద‌ర్శ‌క‌త్వంలో రూపొందుతోన్న స్ట‌యిలిష్ ఎంట‌ర్‌టైన‌ర్ `ధృవ` ఏస్ ప్రొడ్యూస‌ర్ అల్లు అర‌వింద్‌, మ‌రో నిర్మాత ఎన్‌.వి.ప్ర‌సాద్  సంయుక్తంగా ఈ చిత్రాన్ని హై బ‌డ్జెట్‌, టెక్నిక‌ల్ వాల్యూస్‌తో ఎక్క‌డా కాంప్ర‌మైజ్ కాకుండా నిర్మిస్తున్నారు.

హిప్ హాప్ ఆది సంగీతం అందించిన ఈ సినిమా పాట‌లు నేరుగా మార్కెట్లోకి విడుద‌లయ్యాయి. ఆదిత్య మ్యూజిక్ ద్వారా విడుద‌లై ట్రెండీ మ్యూజిక్‌తో ఉన్న ధృవ పాట‌ల‌కు ఆడియెన్స్  నుండి ట్రెమండ‌స్ రెస్పాన్స్ వ‌స్తున్నాయి. ప‌వ‌ర్‌ఫుల్ యాక్ష‌న్ థ్రిల్ల‌ర్‌గా రూపొందుతోన్న ఈ సినిమా ప్రేక్ష‌కులు, అభిమానుల్లో భారీ క్రేజ్ నెల‌కొంది.  అన్నీ కార్య‌క్ర‌మాల‌తో సినిమాను డిసెంబ‌ర్‌లో విడుద‌ల చేస్తున్నారు.

రాంచరణ్, రకుల్ ప్రీత్ సింగ్, అరవింద్ స్వామి, నాజర్, పోసాని కృష్ణ మురళి తదితరులు న‌టించిన ఈ చిత్రానికి సినిమాటోగ్రాఫ‌ర్‌- పి.య‌స్‌.వినోద్‌, మ్యూజిక్ - హిప్ హాప్ ఆది,  ప్రొడక్షన్ డిజైనర్ - రాజీవన్, ఆర్ట్ - నాగేంద్ర, ఎడిటర్ - నవీన్ నూలి, ఎగ్జిక్యూటివ్ ప్రొడ్యూసర్ - వి.వై. ప్రవీణ్ కుమార్, ప్రొడ్యూసర్స్ - అల్లు అరవింద్, ఎన్‌.వి.ప్ర‌సాద్‌, దర్శకుడు - సురేందర్ రెడ్డి.