ధనుష్ ‘సార్’ మూవీ ప్రీరిలీజ్ ఈవెంట్ డేట్, ప్లేస్ ఫిక్స్.. చీఫ్ గెస్ట్ గా ఆయనే వస్తున్నారా?
By Asianet News | First Published Feb 14, 2023, 7:04 PM ISTతమిళ స్టార్ ధనుష్ (Dhanush) తెలుగులో డైరెక్ట్ గా నటిస్తున్న చిత్రం ‘సార్’. మూడురోజుల్లో ప్రేక్షకుల ముందుకు రానుందీ చిత్రం. ఈ సందర్భంగా ప్రీ రిలీజ్ ఈవెంట్ కు గ్రాండ్ గా ఏర్పాట్లు చేస్తున్నారు మేకర్స్.
తెలుగులోకి ఎంట్రీ ఇస్తూ తమిళ స్టార్ హీరో ధనుష్ నటిస్తున్న తొలిచిత్రం `సార్` SiR. బైలింగ్వుల్ గా తెరకెక్కుతున్న ఈ చిత్రం తెలుగుతో పాటు తమిళంలో ఏకకాలంలో తీర్చిదిద్దుకోనుంది. తమిళంలో ‘వాతీ’(Vaathi)గా విడుదల కాబోతోంది. వెంకీ అట్లూరి దర్శకత్వం వహిస్తున్నారు. సితార ఎంటర్ టైన్ మెంట్స్ బ్యానర్ పై యంగ్ ప్రొడ్యూసర్ సూర్యదేవర నాగవంశీ గ్రాండ్ గా నిర్మించారు. సాయి సౌజన్య (ఫార్చ్యూన్ ఫోర్ సినిమాస్), శ్రీకర స్టూడియోస్ సంస్థలూ నిర్మాణ భాగస్వామంగా ఉన్నాయి.
ఇప్పటికే చిత్రం నుంచి విడుదలైన అప్డేట్స్ కు మంచి రెస్పాన్స్ దక్కింది. సోషల్ మేసేజ్ తో రీసెంట్ గా విడుదలైన ‘సార్’ చిత్ర ట్రైలర్ కూడా ఆకట్టుకుంటోంది. ధనుష్ కొత్త అవతారం సినిమాపై ఆసక్తిని పెంచేసింది. ఈ సందర్భంగా మరింతగా హైప్ క్రియేట్ చేసేందుకు చిత్ర యూనిట్ గ్రాండ్ గా ప్రీ రిలీజ్ ఈవెంట్ కు ఏర్పాట్లు చేస్తున్నారు. తాజాగా ఈవెంట్ కు సంబంధించిన అప్డేట్ అందించారు. హైదరాబాద్ లోనే రేపు సాయంత్రం 5 గంటలకు ప్రీ రిలీజ్ ఈవెంట్ గ్రాండ్ గా జరగబోతోంది.
ఫిబ్రవరి 15న (రేపు) హైదరాబాద్ లోని నెక్లెస్ రోడ్ లోని పీపుల్స్ ప్లాజాలో ఈ ఈవెంట్ గ్రాండ్ గా జరగనుందని తెలిపారు. అయితే ఈవెంట్ కు గెస్ట్ గా ఎవరు వస్తున్నారనేది ప్రస్తుతం ఆసక్తికరంగా మారింది. మెగాస్టార్ చిరంజీవి (Chiranjeevi) ఈవెంట్ కు ముఖ్య అతిథిగా వచ్చే అవకాశం ఉందని అంటుున్నారు. మరోవైపు పవర్ స్టార్ పవన్ కళ్యాణ్ (Powerstar Pawan Kalyan) కూడా వచ్చే అవకాశం ఉందని అంటున్నారు. ఇదిలా ఉంటే ఈవెంట్ లో చాలా సర్ ప్రైజ్ లు ప్లాన్ చేశామని చిత్ర యూనిట్ అనౌన్స్ చేయడం ఈవెంట్ పై ఇంట్రెస్ట్ ను క్రియేట్ చేస్తోంది. ఈ విషయాన్ని ఇంకా సర్ ప్రైజ్ గానే ఉంచారు. తెలుగులోనూ ధనుష్ కు అభిమానులు ఉండటంతో ఈవెంట్ కు హాజరయ్యేందుకు సిద్ధం అవుతున్నారు.
Latest Videos
ఇప్పటికే చిత్రం నుంచి వచ్చిన పోస్టర్లు, పాటలు, ట్రైలర్ ఆకట్టుకున్న విషయం తెలిసిందే. దీంతో అభిమానులతో పాటు ప్రేక్షకులు కూడా సినిమా కోసం ఎదురుచూస్తున్నారు. 2023 ఫిబ్రవరి 17న ప్రపంచ వ్యాప్తంగా చిత్రాన్ని విడుదల చేసేందుకు అన్ని ఏర్పాట్లు చేశారు. ధనుష్ ప్రధాన పాత్రలో నటిస్తున్నారు. హీరోయిన్ గా ‘భీమ్లా నాయక్’ ఫేమ్ సంయుక్తా మీన‌న్‌ నటిస్తోంది. సాయికుమార్, తనికెళ్ల భ‌ర‌ణి, సముద్ర ఖని, తోటపల్లి మధు, నర్రా శ్రీను, పమ్మి సాయి, హైపర్ ఆది, సార, ఆడుకాలం నరేన్, ఇలవరసు ఆయా పాత్రలను పోషించారు.
Grand Pre-Release event will be happening tomorrow at People's Plaza, Necklace Road! 🤩
Await for many more surprises at the event 😍 🖋️ pic.twitter.com/otR8L9GWdD
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి