‘బిగ్ బాస్’ సోహైల్ ‘మిస్టర్ ప్రెగ్నెంట్’ మూవీ రిలీజ్ డేట్.. ఫైనల్ గా ప్రకటించిన మేకర్స్
By Asianet News | First Published Jul 12, 2023, 9:35 PM ISTబిగ్ బాస్ సోహైల్ హీరోగా నటించిన ‘మిస్టర్ ప్రెగ్నెంట్’ చిత్రం ఎప్పుడో ప్రారంభమైంది. ఇప్పటికే ప్రేక్షకుల ముందుకు రావాల్సిన ఈ సినిమా ప్రస్తుతం రిలీజ్ కు రెడీ అయ్యింది. మేకర్స్ విడుదల తేదీని తాజాగా ప్రకటించారు.
బిగ్ బాస్ తెలుగు సీజన్ 4తో సయ్యద్ సోహైల్ (Sohel) మంచి ఫేమ్ దక్కించుకున్నారు. ఇండస్ట్రీలో ఎప్పటినుంచో ఉన్న సోహైల్ కు ఈ రియాలిటీ షో మంచి గుర్తింపును తెచ్చిపెట్టింది.
‘కొత్త బంగారు లోకం’తో తన కేరీర్ ను ప్రారంభించిన సయ్యద్ సోహెల్ రియాన్ పలు సూపర్ హిట్ చిత్రాల్ లో కీలక పాత్రలను పోషించారు. నటన పరంగా గుర్తింపు తెచ్చుకున్నాడు. ఇక బిగ్ బాస్ లో అవకాశం అందిన తర్వాత నుంచి వరుసగా సినిమా ఆఫర్లను అందుకుంటున్నారు.
ఇప్పటికే ‘ఆర్గానిక్ మామా హైబ్రిడ్ అల్లుడు’, ‘లక్కీ లక్ష్మణ్’ చిత్రాలతో ప్రేక్షకుల ముందుకు వచ్చారు. సినిమా ఫలితాలు ఎలా ఉన్నా సోహైల్ నటనకు మాత్రం మంచి మార్కులు పడ్డాయి. ఇక మరో రెండు చిత్రాలతోనూ అలరించేందుకు సోహైల్ సిద్దం అవుతున్నారు. ప్రస్తుతం ‘మిస్టర్ ప్రెగ్నెంట్’ (Mr Pregnant) చిత్రంతో రాబోతున్నారు. ఈ చిత్రంతో రెండేళ్ల కిందనే ప్రారంభమైంది. రిలీజ్ విషయంలో ఇప్పటికే చాలా ఆలస్యం అయ్యింది. అయితే ఎట్టకేళలకు మేకర్స్ రిలీజ్ డేట్ ను అనౌన్స్ చేశారు.
Latest Videos
ఈ కొత్త సినిమా ‘మిస్టర్ ప్రెగ్నెంట్’లో రూపా కొడవాయుర్ హీరోయిన్‌గా నటిస్తోంది. మైక్ మూవీస్ బ్యానర్‌లో అన్నపరెడ్డి అప్పిరెడ్డి, రవిరెడ్డి సజ్జల నిర్మిస్తున్న ఈ చిత్రాన్ని నూతన దర్శకుడు శ్రీనివాస్ వింజనంపాటి రూపొందిస్తున్నారు. అన్ని కార్యక్రమాలు పూర్తి చేసుకున్న ‘మిస్టర్ ప్రెగ్నెంట్’ మూవీ ఆగస్టు 18న విడుదలకు సిద్ధమవుతోందని ప్రకటించారు. హీరో సోహైల్ ‘మిస్టర్ ప్రెగ్నెంట్’ చిత్రంలో ప్రెగ్నెంట్‌గా కనిపించనున్నాడు. తెలుగు తెరపై ఇదొక కొత్త తరహా ప్రయత్నంగా చెప్పుకోవచ్చు. సినిమా ఔట్ పుట్ విషయంలో చిత్రబృందం సంతృప్తిగా ఉన్నారు. రిలీజ్ కు కూడా ఆగస్టు 18 మంచి డేట్ గా భావిస్తున్నారు. వైవిధ్యమైన సినిమాలకు ఆదరణ లభిస్తున్న నేపథ్యంలో ‘మిస్టర్ ప్రెగ్నెంట్’ సక్సెస్ సాధిస్తుందనే నమ్మకంతో ఉన్నారు. చిత్రంలో సుహాసినీ మణిరత్నం, రాజా రవీంద్ర, బ్రహ్మాజీ, అలీ, హర్ష తదితరులు కీలక పాత్రలు పోషిస్తున్నారు. సినిమాటోగ్రఫీ - నిజార్ షఫీ, సంగీతం - శ్రావణ్ భరద్వాజ్, ఎడిటింగ్ - ప్రవీణ్ పూడి అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి