Bheemla Nayak Trailer: ఫెస్టివల్‌కి రెడీ అవుతోన్న పవన్‌ ఫ్యాన్స్.. `భీమ్లా నాయక్‌` ట్రైలర్‌ డేట్‌ ఫిక్స్

అసలైన సినిమా పంగక్కి ముందుగా ట్రైలర్‌ లాంటిది `భీమ్లానాయక్‌` ట్రైలర్‌. ఈ సినిమా ట్రైలర్‌ ఎప్పుడు రాబోతుందని అంతా వెయిట్‌ చేస్తున్నారు. శని, ఆదివారాల్లో వచ్చే ఛాన్స్ ఉందని అభిమానులు భావించారు.

పవన్‌ కళ్యాణ్‌(Pawan Kalyan) తన అభిమానులకు అసలైన ట్రీట్‌ని సిద్ధం చేస్తున్నారు. ఇంత కాలం వెయిట్‌ చేస్తున్న ఫ్యాన్స్ ని ఫుల్‌ ఖుషీ చేసేందుకు వస్తున్నారు. ఇప్పటికే అనేక సందిగ్ధాల మధ్య Bheemla Nayak రిలీజ్‌ డేట్‌ ఎప్పుడు అనే సస్పెన్స్ నెలకొన్న నేపథ్యంలో రిలీజ్‌ డేట్‌ని కన్ఫమ్‌ చేశారు. ముందుగా చెప్పినట్టుగానే ఫిబ్రవరి 25నే `భీమ్లానాయక్‌`(Bheemla Nayak) సినిమాని విడుదల చేయబోతున్నట్టు వెల్లడించారు. అయితే ఫిబ్రవరి 25నే వస్తుందని అభిమానులు కూడా ఊహించలేదు. కానీ సడెన్‌గా రిలీజ్‌ డేట్‌ని ఖరారు చేయడంతో హంగామాకి పవన్‌ అభిమానులు సిద్ధమవుతుంది. 

అసలైన సినిమా పంగక్కి ముందుగా ట్రైలర్‌ లాంటిది `భీమ్లానాయక్‌` ట్రైలర్‌. ఈ సినిమా ట్రైలర్‌ ఎప్పుడు రాబోతుందని అంతా వెయిట్‌ చేస్తున్నారు. శని, ఆదివారాల్లో వచ్చే ఛాన్స్ ఉందని అభిమానులు భావించారు. కానీ `భీమ్లా నాయక్‌` ప్రీ రిలీజ్‌ ఈవెంట్‌ రోజే ట్రైలర్‌ని విడుదల చేయబోతున్నట్టు ప్రకటించారు. అయితే ఆ రోజు ఎప్పుడనేది ఇంకా కన్ఫమ్‌ చేయలేదు. కానీ ఈవెంట్‌లోనే మంత్రి కేటీఆర్‌(KTR) చేతుల మీదుగా ఈ ట్రైలర్‌ని విడుదల చేయించే అవకాశం ఉందని సమాచారం. 

సోమవారం(ఫిబ్రవరి 21)న హైదరాబాద్‌లోని యూసఫ్‌గూడ పోలీస్‌ గ్రౌండ్‌లో `భీమ్లా నాయక్‌` ప్రీ రిలీజ్‌ ఈవెంట్‌ జరగబోతున్న విషయం తెలిసిందే. దీనికి తెలంగాణ ఐటీ, మున్సిపల్‌ మంత్రి కేటీఆర్‌ గెస్ట్ గా వస్తున్నారు. సినిమాటోగ్రఫీ మంత్రి తలసాని శ్రీనివాస్‌యాదవ్‌ స్పెషల్‌ గెస్ట్ గా రాబోతున్నారు. దీంతో ఆ సమయంలోనే ఈ చిత్ర ట్రైలర్‌ని విడుదల చేయబోతున్నారని సమాచారం. మొత్తంగా ట్రైలర్‌ ఎప్పుడు రాబోతుందనే వార్తతో పవన్‌ అభిమానులు పండగా చేసుకుంటున్నారు. సంబరాలకు రంగం సిద్ధం చేసుకుంటున్నారు. 

పవన్‌, రానా కలిసి నటిస్తున్న `భీమ్లా నాయక్‌` చిత్రానికి సాగర్‌ కె చంద్ర దర్శకత్వం వహిస్తున్నారు. త్రివిక్రమ్‌ మాటలు, కథనం అందిస్తున్నారు. సితార ఎంటర్‌టైన్‌మెంట్స్ పతాకంపై నాగవంశీ నిర్మిస్తున్నారు. ఇందులో పవన్‌కి జోడిగా నిత్యా మీనన్‌, రానాకి జోడీగా సంయుక్త మీనన్‌ హీరోయిన్లుగా నటిస్తున్నారు. ఈ చిత్రం ఫిబ్రవరి 25న గ్రాండ్‌గా రిలీజ్‌ కాబోతుంది. హిందీలోనూ విడుదల చేయబోతున్నారు.