`బీబీ3` సినిమా నుంచి ఇప్పటి వరకు ఫస్ట్ లుక్‌, చిన్న గ్లింప్స్, విడుదల తేదీ తప్ప మరే అప్‌డేట్‌ రాలేదు. చాలా రోజులుగా ఎలాంటి అప్‌డేట్‌ లేదు. ఎట్టకేలకు ఈ ఉగాదికి ఈ సినిమా టైటిల్‌ని ప్రకటించనున్నట్టు చిత్ర బృందం వెల్లడించింది.
బాలకృష్ణ ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్నారు. `బీబీ3` వర్కింగ్‌ టైటిల్‌తో రూపొందుతున్న ఈ చిత్రాన్ని ద్వారకా క్రియేషన్స్ పతాకంపై మిర్యాల రవీందర్‌రెడ్డి నిర్మిస్తున్నారు. ఈ సినిమా నుంచి ఇప్పటి వరకు ఫస్ట్ లుక్‌, చిన్న గ్లింప్స్, విడుదల తేదీ తప్ప మరే అప్‌డేట్‌ రాలేదు. చాలా రోజులుగా ఎలాంటి అప్‌డేట్‌ లేదు. ఇంకా ఈ చిత్రానికి టైటిల్‌ కన్ఫమ్‌ చేయలేదు. దీంతో బాలయ్య అభిమానులు ఈగర్‌గా వెయిట్‌ చేస్తున్నారు.
ఎట్టకేలకు చిత్ర బృందంలో చలనం కలిగింది. ఈ ఉగాదికి ఈ సినిమా టైటిల్‌ని ప్రకటించనున్నట్టు చిత్ర బృందం వెల్లడించింది. ఉగాది సందర్బంగా ఈ నెల 13న మధ్యాహ్నం 12.33 గంటలకు ఈ చిత్ర టైటిల్‌ని ప్రకటించనున్నట్టు తెలిపింది చిత్ర యూనిట్‌. దీంతో బాలయ్య అభిమానుల్లో జోష్‌ నింపారు. ఇదిలా ఉంటే ఈ సినిమాకి పలు పేర్లు ఆ మధ్య సోషల్‌ మీడియాలో చక్కర్లు కొట్టాయి. వాటిలో ప్రధానంగా `గాడ్‌ఫాదర్‌` అనే టైటిల్‌ని వైరల్‌గా మారింది. చిత్ర కథకి, బాలయ్య ఇమేజ్‌కి ఈ టైటిల్‌ పర్‌ఫెక్ట్ అనే టాక్‌ వినిపించింది. మరి ఎలాంటి టైటిల్‌ పెడతారో తెలియాలంటే మరో రెండు రోజులు ఆగాల్సిందే.
We know how long you have been waiting..
The much awaited to be revealed on this Ugadi💥13th April at 12:33PM. pic.twitter.com/grcqRt1402
బాలయ్య, బోయపాటి కాంబినేషన్‌లో రూపొందుతున్న చిత్రమిది. అందుకే `బీబీ3` వర్కింగ్‌ టైటిల్‌ ఫిక్స్ చేశారు. గతంలో వీరి కాంబినేషన్‌లో `సింహా`, `లెజెండ్‌` చిత్రాలు వచ్చిన బాక్సాఫీసు వద్ద బ్లాక్‌ బస్టర్స్ గా నిలిచాయి. దీంతో తాజా సినిమాపై కూడా భారీ అంచనాలు నెలకొన్నాయి. పైగా వరుస పరాజయాల్లో ఉన్న బాలయ్య సైతం ఈ సినిమాతో సక్సెస్‌ కొట్టాలని భావిస్తున్నారు. ఇందులో ప్రగ్యా జైశ్వాల్‌ హీరోయిన్‌గా నటిస్తుంది. ఈ సినిమా మే 28న విడుదల కానుంది.