తన నెక్ట్స్ సినిమాకి ప్లాన్ చేస్తున్నారు బాలయ్య. కామెడీ ఎంటర్టైనర్ చిత్రాలకు కేరాఫ్గా నిలిచే అనిల్ రావిపూడి డైరెక్షన్లో బాలయ్య సినిమా చేయబోతున్నారు. ఈ చిత్ర ముహూర్తం ఫిక్స్ అయ్యిందట.
`అఖండ` సక్సెస్ ఇచ్చిన జోష్లో దూకుడు మీదున్నాడు బాలకృష్ణ(Balakrishna). మరోవైపు `అన్స్టాపబుల్ విత్ ఎన్బీకే` సీజన్ 2తోనూ దుమ్మురేపుతున్నారు. ఈ షో ఇండియాలోనే నెంబర్ 1 టాక్ షోగా నిలవడం విశేషం. ఈ రెండు ఆనందాలతో ఇప్పుడు రెట్టింపు ఉత్సాహంతో తన సినిమాల షూటింగ్లో పాల్గొంటున్నాడు బాలకృష్ణ. గోపీచంద్ మలినేని దర్శకత్వంలో ఇప్పుడు ఆయన `వీర సింహారెడ్డి` (Veera SimhaReddy) చిత్రంలో నటిస్తున్న విషయం తెలిసిందే. ఈ సినిమా శరవేగంగా చిత్రీకరణ జరుపుకుంటోంది. చిత్రీకరణ కూడా చివరి దశకు చేరుకుంది. ఈ సినిమాని సంక్రాంతికి రిలీజ్ చేయబోతున్నారు.
ఇదిలా ఉంటే ఇప్పుడు తన నెక్ట్స్ సినిమాకి ప్లాన్ చేస్తున్నారు. కామెడీ ఎంటర్టైనర్ చిత్రాలకు కేరాఫ్గా నిలిచే అనిల్ రావిపూడి డైరెక్షన్లో బాలయ్య సినిమా చేయబోతున్నారు. `NBK108` వర్కింగ్ టైటిల్తో ఈ చిత్రం తెరకెక్కనుంది. ఇప్పటి వరకు ఎంటర్టైనింగ్ చిత్రాలను రూపొందించిన అనిల్ రావిపూడి ఈ సినిమాతో తనలోని మాస్ యాంగిల్ని చూపించబోతున్నారట. ఒక మాస్ మసాలా కథని బాలయ్య కోసం రెడీ చేశాడట. అయితే సెకండాఫ్ విసయంలో సంతృప్తిగా లేని బాలయ్య కొన్ని మార్పులు సూచించడంతో ఆ పనిలో అనిల్ రావిపూడి ఉన్నారట.
అయితే ఇప్పుడీ సినిమాని ప్రారంభించబోతున్నారు. ప్రారంభానికి ముహూర్తం కూడా ఫిక్స్ చేశారట. స్క్రిప్ట్ ఆల్మోస్ట్ రెడీ కావడంతో షూటింగ్ స్టార్ట్ చేయాలని భావిస్తున్నారట. అయితే లేటెస్ట్ ఇన్ఫర్మేషన్ ప్రకారం ఈ సినిమా ముహూర్తం డేట్ని కూడా ఖరారు చేశారట. డిసెంబర్ 9న సినిమాని గ్రాండ్గా లాంచ్ స్టార్ట్ చేయాలని ప్లాన్ చేశారట. ఇందులో బాలయ్య సరికొత్త గెటప్లో కనిపిస్తారని, మాస్, యాక్షన్తోపాటు అనిల్ రావిపూడి మార్క్ కామెడీని మేళవించి ఈ చిత్రాన్ని తెరకెక్కించబోతున్నారని ఫిల్మ్ నగర్ టాక్. మరి ఇందులో నిజమెంతా అనేది తెలియాల్సి ఉంది.
ఇదిలా ఉంటే ఈసినిమా సితార ఎంటర్టైన్మెంట్స్ బ్యానర్పై తెరకెక్కబోతుంది. ఇందులో శ్రీలీలా బాలకృష్ణకి కూతురుగా కనిపించబోతుండటం విశేషం. హీరోయిన్ ఎవరనేదానిపై క్లారిటీ రావాల్సి ఉంది.