అక్కడ బాహుబలి ఫ్లాప్!

తెలుగు సినిమా స్థాయిని పెంచిన చిత్రం బాహుబలి. ప్రపంచవ్యాప్తంగా ఈ సినిమాకు మంచి గుర్తింపు వచ్చింది. ఓవర్సీస్ లో సైతం ఈ సినిమా రెండు భాగాలు భారీ వసూళ్లను సాధించాయి. అలాంటి ఈ సినిమా చైనాలో మాత్రం ఫ్లాప్ అని తేల్చేసారు ట్రేడ్ విశ్లేషకులు. బాహుబలి1 సినిమా చైనాలో ఫ్లాప్ అని తెలిసి కూడా బాహుబలి 2 సినిమాను గత వారం చైనాలో విడుదల చేశారు. విడుదల రోజు సినిమా బాగానే ఆడింది.

మంచి కలెక్షన్లు కూడా వచ్చాయి. కానీ రెండో రోజే ఈ సినిమాకు బ్రేక్ పడింది. ట్రేడ్ పండితుల ప్రకారం సినిమాకు కనీసం రూ.120 కోట్లు వస్తేనే సినిమాకు పెట్టిన పెట్టుబడి తిరిగొచ్చినట్లు.కానీ ఈ సినిమా రూ.57 కోట్లు సాధించి చతికిలపడింది. చైనా బాక్సాఫీస్ లెక్కల ప్రకారం ఇది ఫ్లాప్ కింద లెక్క. చైనాలో 'దంగల్' సినిమా సృష్టించిన రికార్డ్స్ ను 'బాహుబలి2' తిరగ రాస్తుందనుకుంటే కనీసపు వసూళ్లు లేక డిస్ట్రిబ్యూటర్లను ఇబ్బంది పెడుతోంది.