స్టార్ హీరోని కాలితో తన్నాడు!

By AN TeluguFirst Published 19, May 2019, 3:47 PM IST
Highlights

ప్రముఖ హాలీవుడ్ నటుడు ఆర్నాల్డ్ ష్వార్జ్‌నెగ్గర్‌ కి చేదు అనుభవం ఎదురైంది. 

ప్రముఖ హాలీవుడ్ నటుడు ఆర్నాల్డ్ ష్వార్జ్‌నెగ్గర్‌ కి చేదు అనుభవం ఎదురైంది. దక్షిణాఫ్రికాలో జొహానెస్‌బర్గ్‌లో శనివారం నాడు ఆర్నాల్డ్ 'క్లాసిక్ఆఫ్రికా' పేరుతో ఓ కార్యక్రమాన్ని నిర్వహించాడు. ఈ క్రమంలో ఆర్నాల్డ్ అభిమానులతో మట్లాడుతూ వారితో స్నాప్ చాట్ వీడియో రికార్డ్ చేయాలనుకున్నారు.

ఆ సమయంలో ఓ వ్యక్తి వెనుక నుండి ఎగిరి వచ్చి ఆర్నాల్డ్ ని కాలితో తన్నాడు. వెంటనే అక్కడున్న సెక్యురిటీ అలర్ట్ అయ్యి సదరు వ్యక్తిని అక్కడ నుండి తీసుకువెళ్లిపోయారు. ఆ సమయంలో తీసిన వీడియో సోషల్ మీడియాలో వైరల్ అయింది.

దీన్ని ఆర్నాల్డ్ షేర్ చేస్తూ తననెవరో తన్నారని ఈ వీడియో చూస్తే కానీ తెలియలేదని.. ఆ ఇడియట్ స్నాప్ చాట్ వీడియోను పాడుచేయనందుకు సంతోషంగా ఉందని అన్నారు. ఒకవేళ వీడియో షేర్ చేయాలనుకుంటే ఆ వ్యక్తి అరుపులు వినిపించకుండా ఉన్న వీడియోను తీసుకోండని.. ఎందుకంటే ఇలా చేసినందుకు అతడికి పాపులారిటీ రాకూడదని అన్నారు.

దక్షిణాఫ్రికాలో ఆర్నాల్డ్ స్పోర్ట్స్ క్లబ్ లో 90 రకాల క్రీడలు ఉన్నాయని.. 24వేల అథ్లెట్ లు ఉన్నారని.. ఈ వీడియో ద్వారా వారికి పాపులారిటీ దక్కేలా చేద్దామని అన్నారు. ఇది ఇలా ఉండగా .. ఆర్నాల్డ్ సదరు యువకుడు ఎందుకు కాలితో తన్నాడనే విషయం తెలియరాలేదు. 

And if you have to share the video (I get it), pick a blurry one without whatever he was yelling so he doesn’t get the spotlight.

By the way... block or charge? pic.twitter.com/TEmFRCZPEA

— Arnold (@Schwarzenegger)
Last Updated 19, May 2019, 3:47 PM IST