BiggBoss7:ప్రశాంత్ పీకింది ఏమీ లేదు, నా వల్లే కలసి వచ్చింది అంటూ రతిక గొడవ.. ఎవిక్షన్ పాస్ అర్జున్ సొంతం
By Asianet News | First Published Nov 15, 2023, 11:55 PM ISTకింగ్ నాగార్జున హోస్ట్ గా చేస్తున్న బిగ్ బాస్ సీజన్ 7లో బుధవారం ఎపిసోడ్ రసవత్తరంగా సాగింది. హౌస్ లో పది వారాలు గడిచాయి. 10 మంది సభ్యులు మిగిలారు. 1 నుంచి 10 వరకు ర్యాంకులు పెట్టారు. ఏ ర్యాంకుకి ఎవరు అర్హులో ఓటింగ్ ప్రకారం నిర్ణయించాలి.
కింగ్ నాగార్జున హోస్ట్ గా చేస్తున్న బిగ్ బాస్ సీజన్ 7లో బుధవారం ఎపిసోడ్ రసవత్తరంగా సాగింది. హౌస్ లో పది వారాలు గడిచాయి. 10 మంది సభ్యులు మిగిలారు. 1 నుంచి 10 వరకు ర్యాంకులు పెట్టారు. ఏ ర్యాంకుకి ఎవరు అర్హులో ఓటింగ్ ప్రకారం నిర్ణయించాలి. ముందుగా రతిక తాను 5 వ స్థానానికి అర్హురాలిని అని పేర్కొంది.
అయితే ఇంటి సభ్యులు ఓటింగ్ ప్రకారం ఆమెకి 10 వ ర్యాంక్ కేటాయించారు. అశ్వినికి 9 వ ర్యాంక్ కేటాయించారు. అమర్ 6 వ ర్యాంక్ కి అర్హుడని నిర్ణయించారు. ఇక శోభా శెట్టికి 5వ రాంక్ ఇవ్వడం విశేషం. అయితే ఈ ర్యాంక్ విషయంలో అర్జున్ కి శోభా శెట్టికి వాగ్వాదం జరిగింది. అర్జున్ తన అభిప్రాయం ప్రకారం శోభా కి 7 వ ర్యాంక్ కరెక్ట్ అని చెప్పాడు. ఆమె హౌస్ లో అదృష్టం తోనే నెట్టుకు వస్తోంది.
Latest Videos
undefined
కెప్టెన్సీ విషయంలో,టాస్కుల్లో ఆమెకి లక్ కలసి వచ్చింది అని.. ఆమె పీకింది పెద్దగా ఏమిలేదని అర్జున్ పేర్కొన్నాడు. దీనితో శోభా శెట్టి కన్నీళ్లు పెట్టుకుంది. నా కష్టాన్ని లక్ అనే చిన్న మాటతో తీసి పడేస్తే ఎలా అని ఏడ్చింది. ఇక ప్రియాంక కి 4 వ ర్యాంక్, ప్రశాంత్ కి 3 దక్కాయి.
అయితే ప్రశాంత్ విషయంలో రతికా ఆసక్తికర కామెంట్స్ చేసింది. ప్రశాంత్ మొదటి నాలుగు వారాలు పీకింది ఏమీ లేదు. నా వల్లే అతడికి కలసి వచ్చింది అని గొడవ చేసింది. దీనితో ప్రశాంత్ కూడా అంతే ఘాటుగా బదులిచ్చాడు. నాకు సాయం చేసింది నువ్వు కాదు అన్న శివాజీ. జీవితాంతం మరచిపోను అని చెప్పాడు. నువ్వు నన్ను నా ఇంట్లో వాళ్ళని అనరాని మాటలు అన్నావ్ అని ప్రశాంత్ ఎమోషనల్ అయ్యాడు.
ఇక శివాజీ నెంబర్ 1 ర్యాంక్ దక్కింది. యావర్ 2, అర్జున్ 8, గౌతమ్ 7 ర్యాంక్స్ దక్కాయి. అయితే బాటమ్ 5 లో ఉన్న వారు ఎవిక్షన్ పాస్ గెలుచుకునే టాస్క్ లో పాల్గొంటారు అని బిగ్ బాస్ ప్రకటించారు. అమర్, గౌతమ్, అర్జున్, అశ్విని, రతిక 6 నుంచి 10 స్థానాల్లో ఉన్నారు కాబట్టి వీరు టాస్క్ లో పాల్గొన్నారు.
ఎవిక్షన్ అని రాసి ఉన్న బ్రిక్స్ ని కరెక్ట్ గా సెట్ చేసి గంట మోగించిన వారు విజేత. ఈ టాస్క్ లో అర్జున్ విజయం సాధించి ఎవిక్షన్ పాస్ గెలిచేశాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి