Anasuya: తండ్రిని గుర్తు చేసుకుంటూ యాంకర్‌ అనసూయ ఎమోషనల్‌ పోస్ట్

తండ్రి మరణఃతో అనసూయ ఫ్యామిలీ శోకసంద్రంలో మునిగిపోయింది. ఈ నేపథ్యంలో తాజాగా అనసూయ స్పందించింది. తన తండ్రిని గుర్తు చేసుకుంటూ ఎమోషనల్‌ అయ్యింది. ఈ మేరకు ఆమె ఓ భావోద్వేగ భరిత పోస్ట్ పెట్టింది.

యాంకర్‌ అనసూయ(Anasuya) `జబర్దస్త్`(Jabardasth) షోతో ఎంతగా పాపులర్‌ అయ్యిందో తెలిసిందే. ఇటీవల అనసూయ తండ్రి కన్నుమూసిన నేపథ్యంలో తాజాగా ఓ ఎమోషనల్‌ నోట్‌ని పంచుకుంది. యాంకర్ అనసూయ తండ్రి సుదర్శన్‌ రావు కస్బా పది రోజుల క్రితం(డిసెంబర్‌ 5న) క్యాన్సర్‌ కారణంగా కన్నుమూశారు. దీంతో అనసూయ ఫ్యామిలీ శోకసంద్రంలో మునిగిపోయింది. ఈ నేపథ్యంలో తాజాగా అనసూయ స్పందించింది. తన తండ్రిని గుర్తు చేసుకుంటూ ఎమోషనల్‌ అయ్యింది. ఈ మేరకు Anasuya ఓ భావోద్వేగ భరిత పోస్ట్ పెట్టింది.

`నా అత్యంత అందమైన పాపాజీ(తండ్రిని ముద్దుగా). నేను నా చిత్తశుద్ధితో మిమ్మల్ని ఎప్పుడూ గర్వపడేలా చేస్తూనే ఉంటానని వాగ్దానం చేస్తున్నా. మీరిచ్చిన ఈ జీవితానికి ఎలా కృతజ్ఞత చెప్పాలో అర్థం కావడం లేదు. దాన్ని చెప్పేందుకు మాటలు లేవు. తినే భోజనం నుంచి వ్యాయామాల వరకు మేం ఏం చేయాలో, మా ఛాయిస్‌లను బోధించినందుకు మాటలు లేవు. మనం గడిపిన ఆనంద సమయాలన్నింటినీ నేను ఎప్పటికీ రక్షిస్తాను. మీరు అర్థరాత్రి ఇచ్చే సర్‌ప్రైజ్‌ ట్రీట్‌లన్నింటినీ ఎప్పటికీ మర్చిపోలేను. అదంతా మాపై మీకున్న అపరిమితమైన ప్రేమ. మన సొంత నిబంధనలపై జీవితాన్ని గడిపేలా నేర్పించారు. ధైర్యంగా, బలంగా ఉండమని నేర్పించారు. 

మీరు ఎప్పటికీ జనాలకు టైగర్‌ దర్శన్‌ పెహెల్వాన్‌గానే నిలిచి ఉంటారు. మీరు మా నాన్నగా ఎంతో గొప్పగా చేసి, మమ్మల్ని ఎంతో ఆదర్శంగా పెంచారని మనం ఏం చెప్పినా ఈ ప్రపంచం అలా ఉంటుందని నేను ఊహించను. మనం ఎలా ఉంటామో మీరు మమ్మల్ని వదిలి వెళ్లకముందే చెప్పాను. ఇప్పుడు మనం అందరితో కలిసి ఉంటాం. మీరు వెళ్లిపోయినా ఎప్పటికీ మాతోనే ఉంటారు. మీ ఆత్మకి శాంతి చేకూరాలి నాన్నా` అని తెలిపింది అనసూయ. 

అనసూయ యాంకర్‌గా రాణిస్తూనే నటిగానూ మెప్పిస్తుంది. యాంకర్‌గా టీవీ షోలో గ్లామర్‌ని వడ్డిస్తూ, సినిమాల్లో మాత్రం అద్భుతమైన నటనతో మెప్పిస్తుంది. ప్రస్తుతం ఆమె `పుష్ప` చిత్రంలో నటిస్తుంది. ఇందులో దాక్షాయణి పాత్రలో కనిపించబోతుంది అనసూయ. ఆమె పాత్రలో నెగటివ్‌ షేడ్స్ ఉంటాయని తెలుస్తుంది. దీంతోపాటు చిరంజీవి `ఆచార్య`లో, రవితేజ `ఖిలాడీ`, గోపీచంద్‌ `పక్కా కమర్షియల్‌`, `రంగమార్తాండ`తోపాటు మలయాళంలో `భీష్మ పర్వం` సినిమాలో నటిస్తూ బిజీగా ఉంది. టీవీలో `జబర్దస్త్` షోకి యాంకర్‌గా చేస్తుంది అనసూయ. ఈ షోకి గ్లామర్‌ని అద్దుతూ రక్తికట్టించడంలో ముందుంటుంది. పొట్టిడ్రెస్సుల్లో హోయలు పోతూ ఆకట్టుకుంటుంది. దీంతోపాటు `మాస్టర్‌ చెఫ్‌` అనే వంటల ప్రోగ్రామ్‌కి కూడా హోస్ట్ గా చేస్తుంది అనసూయ.