నేషనల్ అవార్డ్స్ తర్వాత.. అల్లు అర్జున్ మొదటి ట్వీట్.. ఐకాన్ స్టార్ ఏమన్నారంటే?
By Asianet News | First Published Aug 25, 2023, 3:01 PM ISTతెలుగు సినిమాతో బన్నీ రికార్డు క్రియేట్ చేశారు. ఐకాన్ స్టార్ అల్లు అర్జున్ బెస్ట్ యాక్టర్ గా నేషనల్ అవార్డును సొంతం చేసుకున్న విషయం తెలిసిందే. అవార్డ్స్ పై అల్లు అర్జున్ తొలిసారిగా ట్వీటర్ వేదికన స్పందించారు.
తెలుగు సినిమాతో బన్నీ రికార్డు క్రియేట్ చేశారు. 65 ఏళ్లలో మొట్టమొదటిసారి తెలుగు చిత్ర పరిశ్రమ నుంచి అల్లు అర్జున్ జాతీయ స్థాయి అవార్డను సొంతం చేసుకున్నారు. 2021వ సంవత్సరానికి గాను సినీ జాతీయ అవార్డ్స్ (National Film Awards 2021)ను కేంద్ర ప్రభుత్వం గురువారం ప్రకటించిన విషయం తెలిసిందే. ఇందులో ఆర్‌ఆర్‌ఆర్, పుష్ప చిత్రాలు సత్తా చాటాయి. దీంతో సినీ ప్రముఖులు, అభిమానులు సంతోషం వ్యక్తం చేస్తున్నారు. ముఖ్యంగా అల్లు అర్జున్ కు బెస్ట్ యాక్టర్ అవార్డు దక్కడం పట్ల హర్షం వ్యక్తం చేస్తున్నారు.
‘పుష్ఫ’ చిత్రంలోని పుష్పరాజ్ పాత్రలో అల్లు అర్జున్ నట విశ్వరూపానికి గాను బెస్ట్ యాక్టర్ కేటగిరీలో జాతీయ అవార్డు అందింది. అవార్డు ప్రకటించగానే అభిమానులు బన్నీ ఆఫీసుకు చేరుకొని శుభాకాంక్షలు తెలిపారు. అలాగు సుకుమార్, మెగా ప్రొడ్యూసర్ అల్లు అరవింద్, సాయి ధరమ్ తేజ్, వరుణ్ తేజ్, పలువురు సెలబ్రెటీలు విషెస్ తెలిపారు. ఈ ఘనతను సెలబ్రేట్ చేసుకుంటున్నారు. అటు అల్లు అర్జున్ కూడా పట్టలేని ఆనందంలో మునితేలుతున్నారు. ఇప్పటికే భార్య అల్లు స్నేహారెడ్డి, కొడుకు అయాన్ ను గట్టిగా హగ్ చేసుకొని ఎమోషనల్ అయిన వీడియోలు నెట్టింట వైరల్ గా మారాయి.
Latest Videos
undefined
నేషనల్ అవార్డ్స్ ప్రకటన తర్వాత తాజాగా బన్నీ చేసిన ట్వీట్ వైరల్ గా మారింది. బన్నీ అవార్డులు వచ్చిన వారందరికీ శుభాకాంక్షలు తెలిపారు. ముఖ్యంగా తెలుగు చిత్రాలకు అందడం పట్ల సంతోషించారు. ట్వీట్ లో.... ‘దేశవ్యాప్తంగా తెలుగు సినిమా ప్రకాశిస్తుండటం చాలా గర్వంగా ఉంది. ఆరు జాతీయ అవార్డులను గెలుచుకున్న #RRRMovie టీమ్‌కి అభినందనలు. ఎస్ఎస్ రాజమౌళి, రామ్ చరణ్, తారక్, కీరవాణి, కాళభైరవ, ప్రేమ్ రక్షిత్, శ్రీనివాస్ మోహన్, స్టంట్ కొరియోగ్రాఫర్ కింగ్ సోలోమాన్ కు నా అభినందనలు. అలాగే ‘ఉప్పెన’ చిత్రం ఉత్తమ తెలుగు సినిమా అవార్డును గెలుచుకున్నందుకు చాలా సంతోషంగా ఉంది. బుచ్చిబాబు, మైత్రీ మూవీస్ వారికి శుభాకాంక్షలు. కొండపొలం చిత్రం నుంచి చంద్రబోస్ ఉత్తమ గీత రచయిత అవార్డు గెలుచుకున్నందుకు చాలా సంతోషంగా ఉంది.
అదేవిధంగా.. దేశవ్యాప్తంగా వివిధ కేటగిరీలు, భాషల్లో జాతీయ అవార్డులు గెలుచుకున్న వారందరికీ నా అభినందనలు. మీ సక్సెస్ నిజంగా అభినందనీయం. మనందరిపై దేశం నలుమూలల నుండి వెల్లువెత్తుతున్న ప్రేమ, శుభాకాంక్షలకు నా కృతజ్ఞతలు తెలియజేస్తున్నాను. వారి ప్రేమను గౌరవంగా, వినయంగా స్వీకరిస్తున్నాను. ఇంతటీ ప్రేమ చూపిస్తున్న వారిందరికీ ప్రత్యేక ధన్యవాదాలు’ అని పేర్కొన్నారు. ప్రస్తుతం బన్నీ Pushpa 2 The Ruleలో నటిస్తున్నారు. సుకుమార్ దర్శకత్వం వహిస్తున్నారు.
Beaming high with Pride as our Telugu cinema shines nation wide!
Congratulations to team on winning 6 national awards garu, my brother , my bava , garu, , Master, …
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి